July 17, 2018

ແຈ້ງການແນະນຳກ່ຽວກັບການປະກອບເອກະສານເພື່ອຂໍໃບຢັ້ງຢືນແຫຼ່ງກຳເນີດສິນຄ້າ (Co)

Lahkeo_996@hotmail.com

ຂໍ້ດີຂອງການນຳໃຊ້ໃບຢັ້ງຢືນແຫຼ່ງກຳເນີດສິນຄ້າ Form D ແລະ Form S

ຟອມ
D
S
ຕາມສັນຍາການຄ້າຊາຍແດນ
ຈຸດດີ
ໃນການນໍາໃຊ້ຟອມ
-    ໃຊ້ເປັນເອກະສານອ້າງອີງ ເພື່ອຂໍຫຼຸດຜ່ອນພາສີນຳເຂົ້າສິນຄ້າບັນດາປະເທດສະມາຊິກອາຊຽນ
-    ສາມາດນໍາໃຊ້ເປັນເອກະສານອ້າງອີງໄປຕໍ່ປະເທດທີ່ສາມ (Back-to-Back CO).
-    ສາມາດຂໍເອກະສານຢູ່ແຂວງໃດກໍໄດ້
-    ມີ ອາຍຸການນໍາໃຊ້ 12 ເດືອນ
-      ໃຊ້ເປັນເອກກະສານອ້າງອີງ ເພື່ອຂໍຫຼຸດຜ່ອນພາສີນຳເຂົ້າສິນຄ້າ ຈາກ ສສ ຫວຽດນາມ
-      ໄດ້ສິດທິພິເສດໃນການຫຼຸດຜ່ອນພາສີນຳເຂົ້າສິນຄ້າຫຼາຍກວ່າຂອບສັນຍາການຄ້າເສລີອາຊຽນ(AFTA/ATIGA)
-      ສາມາດຂໍເອກະສານຢູ່ແຂວງໃດກໍໄດ້
-      ມີ ອາຍຸການນໍາໃຊ້ 12 ເດືອນ
-      ໃຊ້ເປັນເອກະສານອ້າງອີງເພື່ອຂໍຍົກເວັ້ນພາສີນຳເຂົ້າ ແລະ ອາກອນອື່ນໆ ຫຼື ຫຼຸດຜ່ອນພາສີນຳເຂົ້າ ສສ ຫວຽດນາມ
-      ປະຊາຊົນຊາຍແດນ, ນັກລົງທຶນຫວຽດນາມ ແລະ ທຸລະກິດທົ່ວໄປສາມາດນຳໃຊ້ໄດ້
-      ເອກະສານປະກອບໜ້ອຍກວ່າ ແລະ ບໍ່ຫຍຸ້ງຍາກ
-      ສາມາດຂໍເອກະສານຢູ່ເມືອງມີຊາຍແດນຕິດ ສສ ຫວຽດນາມ ແລະ ຢູ່ແຂວງໃດກໍໄດ້ ຕາມເງື່ອນໄຂໃນສັນຍາດັ່ງກ່າວ
-      ມີອາຍຸການນໍາໃຊ້ 6 ເດືອນ
ຂອບການນໍາໃຊ້
-      ຂອບສັນຍາການຄ້າເສລີອາຊຽນ(AFTA/ATIGA)
-      ຂອບສັນຍາການຄ້າສອງຝ່າຍ
ລະຫວ່າງສປປລາວແລະສສຫວຽດນາມ.
-      ຂອບສັນຍາການຄ້າຊາຍແດນ ສ ປປ ລາວ ແລະ ສສ ຫວຽດນາມ.

May 24, 2018

ພິທິປະກາດການຈັດຕັ້ງ ຂອງພະແນກອຸດສາຫະກຳ ແລະ ການຄ້າ ຄັ້ງວັນທີ 21 ພຶດສະພາ 2018

ເພື່ອເປັນການກະກຽມໃຫ້ແກ່ກອງປະຊຸມໃຫຍ່ ສາມຂັ້ນ ແລະ ສືບຕໍ່ປັບປຸງການຈັດຕັ້ງ ໃຫ້ມີຄວາມເຂັ້ມແຂງຢ່າງຕໍ່ເນື່ອງ ແລະ ສອດຄ່ອງກັບຄວາມຮູ້ຄວາມສາມາດ. ໃນວັນທີ 21 ພຶດສະພາ 2018 ທີ່ຜ່ານມານີ້ ທີ່ຫ້ອງປະຊຸມ ພະແນກ ອຸດສາຫະກຳ ແລະ ການຄ້າແຂວງ ໄດ້ຈັດພິທີປະກາດການຈັດຕັ້ງຂຶ້ນ ໂດຍການເປັນກຽດເຂົ້າຮ່ວມຂອງ ປອ ສຸວັນນີ ໄຊຊະນະ ຮອງເລຂາພັກແຂວງ ປະທານສະພາປະຊາຊົນແຂວງ, ມີແຂກຖືກເຊີນ ຈາກພະແນກການອ້ອມຂ້າງ ຕະຫລອດຮອດພະນັກງານ - ລັດຖະກອນ ພະແນກ ອຸດສາຫະກຳ ແລະ ການຄ້າແຂວງ ໄດ້ເຂົ້າຮ່ວມຢ່າງພ້ອມພຽງ.

May 9, 2018

ພິທີຮັບໃບຢັ້ງຢືນເປັນໜ່ວຍພັກເຂັ້ມແຂງ-ຮູ້ນຳພາຮອບດ້ານ, ຄັ້ງທີ IV ປະຈຳປີ 2017 ຂອງບັນດາໜ່ວຍພັກ ຂຶ້ນກັບຄະນະພັກຮາກຖານ ພະແນກອຸດສາຫະກໍາ ແລະ ການຄ້າ.

ໃນລະຫວ່າງວັນທີ 4 ພຶດສະພາ 2018 ທີ່ຜ່ານມາ ຮາກຖານພັກພະແນກອຸດສາຫະກຳ ແລະ ການຄ້າແຂວງ ໄດ້ຈັດພິທີຮັບໃບຢັ້ງຢືນເປັນໜ່ວຍພັກເຂັ້ມແຂງ-ຮູ້ນຳພາຮອບດ້ານ, ຄັ້ງທີ IV ປະຈຳປີ 2017 ຂຶ້ນ ໂດຍເປັນກຽດເຂົ້າຮ່ວມເປັນປະທານຂອງ: ສະຫາຍ ບຸນຄໍາ ໄຊເຢຍລໍວື ຄະນະປະຈຳພັກແຂວງ ປະທານກວດກາພັກລັດແຂວງ. ສະຫາຍ        ແສງອາລຸນ ແສງອາພອນ   ເລຂາຄະນະພັກຮາກຖານ ພະແນກອຸດສາຫະກຳ ແລະ ການຄ້າ ແຂວງ. ມີບັນດາຄະນະພັກຮາກຖານ, ຄະນະໜ່ວຍພັກ, ບັນດາສະມາຊິກພັກ ເຂົ້າຮ່ວມ ຈຳນວນ 31 ສະຫາຍ ຍີງ 9 ສະຫາຍ ແລະ ບັນດາແຂກຖືກເຊີນ ຈາກຮາກຖານພັກອ້ອມຂ້າງ ຈໍານວນ 5 ສະຫາຍ ຍີງ 1 ສະຫາຍ.

May 2, 2018

ທ່ານ ແສງອາລຸນ ແສງອາພອນ ຫົວໜ້າພະແນກ ອຸດສາຫະກຳ ແລະການຄ້າ, ລົງເຄື່ອນໄຫວວຽກງານຊີ້ນຳ ວິຊາສະເພາະ ຕາມສາຍຕັ້ງຢູ່ ບັນດາເມືອງ.

ໃນລະຫວ່າງ ວັນທີ 24-27 ເດືອນ ເມສາ 2019 ທີ່ຜ່ານມາ ທ່ານ ແສງອາລຸນ ແສງອາພອນ ຫົວໜ້າພະແນກ ອຸດສາຫະກຳ ແລະ ການຄ້າແຂວງ ພ້ອມດ້ວຍຄະນະວິຊາການ ພາຍໃນພະແນກ ໄດ້ລົງເຄື່ອນໄຫວວຽກງານວິຊາສະເພາະ ຕາມສາຍຕັ້ງຂອງຕົນ ຢູ່ 3 ເມືອງຄື: ເມືອງ ບໍລິຄັນ, ເມືອງ ວຽງທອງ, ເມືອງ ຄໍາເກີດ.

February 20, 2018

ກອງປະຊຸມປຶກສາຫາລືກ່ຽວກັບການຈັດຕັ້ງວຽກງານການນຳເຂົ້າ ແລະ ສົ່ງອອກສິນຄ້າ ຂອງຂະແໜງການກ່ຽວຂ້ອງຂັ້ນທ້ອງຖິ່ນ ຄັ້ງວັນທີ 12 ກຸມພາ 2018

ໃນວັນທີ 12 ກຸມພາ 2018 ພະແນກອຸດສາຫະກຳ ແລະ ການຄ້າແຂວງບໍລິຄໍາໄຊ ຮ່ວມກັບ ກົມການນໍາເຂົ້າ ແລະ ສົ່ງອອກ, ກະຊວງອຸດສາຫະກໍາ ແລະ ການຄ້າ ໄດ້ຈັດກອງປະຊຸມປຶກສາຫາລືກ່ຽວກັບການຈັດຕັ້ງວຽກງານການນຳເຂົ້າ ແລະ ສົ່ງອອກສິນຄ້າ ຂອງຂະແໜງການກ່ຽວຂ້ອງຂັ້ນທ້ອງຖິ່ນຂື້ນ ທີ່ຫ້ອງປະຊຸມຂອງພະແນກອຸດສາຫະກໍາ ແລະ ການຄ້າແຂວງ, ໂດຍການເປັນປະທານຂອງທ່ານ ພັກສົມດີ ວົງສາວັນດີ ຮອງຫົວໜ້າພະແນກອຸດສາຫະກຳ ແລະ ການຄ້າແຂວງ, ຊຶ່ງມີຜູ້ເຂົ້າຮ່ວມຈາກ ບັນດາພາກສ່ວນທີ່ກ່ຽວຂ້ອງ ເຊັ່ນ: ກົມການນໍາເຂົ້າ ແລະ ສົ່ງອອກ (ກະຊວງອຸດສາຫະກໍາ ແລະ ການຄ້າ), ກົມປູກຝັງ-ລ້ຽງສັດ (ກະຊວງກະສິກຳ ແລະ ປ່າໄມ້),​ ກົມອາຫານ ແລະ ຢາ (ກະຊວງສາທາລະນະສຸກ), ກົມມາດຕະຖານ ແລະ ວັດແທກ (ກະຊວງວິທະຍາສາດ ແລະ ເຕັກໂນໂລຊີ), ຂະແໜງປູກຝັງ, ຂະແໜງລ້ຽງສັດ (ພະແນກກະສິກໍາ ແລະ ປ່າໄມ້ແຂວງ), ຂະແໜງອາຫານ ແລະ ຢາ (ພະແນກສາທາລະນະສຸກແຂວງ), ຂະແໜງມາດຕະຖານ ແລະ ວັດແທກ (ພະແນກວິທະຍາສາດ ແລະ ເຕັກໂນໂລຊີ) ພ້ອມດ້ວຍພະນັກງານວິຊາການ ພະແນກອຸດສາຫະກໍາ ແລະ ການຄ້າແຂວງ.

January 18, 2018

ກອງປະຊຸມສະຫຼຸບການເຄື່ອນໄຫວວຽກງານຂົງເຂດອຸດສາຫະກຳ ແລະ ການຄ້າປະຈຳປີ 2017 ແລະ ວາງທິດທາງແຜນການປີ 2018 ຄັ້ງວັນທີ 15-16 ມັງກອນ 2018

ໃນວັນທີ 15-16 ມັງກອນ 2018 ພະແນກອຸດສາຫະກຳ ແລະ ການຄ້າແຂວງບໍລິຄຳໄຊໄດ້ເປີດກອງປະຊຸມສະຫຼຸບການເຄື່ອນໄຫວວຽກງານຂົງເຂດອຸດສາຫະກຳ ແລະ ການຄ້າປະຈຳປີ 2017 ແລະ ວາງທິດທາງແຜນການປະຈຳປີ 2018, ໂດຍການເປັນປະທານຂອງ ທ່ານ ແສງອາລຸນ ແສງອາພອນ ເລຂາຄະນະພັກຮາກຖານ, ຫົວໜ້າພະແນກອຸດສາຫະກຳ ແລະ ການຄ້າແຂວງບໍລິຄຳໄຊ, ກອງປະຊຸມດັ່ງກ່າວໄດ້ເຊີນ ບັນດາຫົວໜ້າ, ຮອງຫ້ອງການອຸດສາຫະກຳ ແລະ ການຄ້າເມືອງ 07 ຕົວເມືອງ, ບັນດາຫົວໜ້າຂະແໜງ, ຮອງຂະແໜງ, ພ້ອມດ້ວຍພະນັກງານວິຊາການຂົງເຂດອຸດສາຫະກຳ ແລະ ການຄ້າເຂົ້າຮ່ວມຢ່າງພ້ອມພຽງ.

August 25, 2017

ຄະນະພັກຮາກຖານພະແນກ ອຄ ດຳເນີນຊີວິດການເມືອງກວດກາ ໜ່ວຍພັກເຂັ້ມແຂງ-ຮູ້ນຳພາຮອບດ້ານ ປີ 2017

   
ໃນວັນທີ 21-23 ສິງຫາ 2017 ຢູ່ທີ່ຫ້ອງປະຊຸມພະ ແນກອຸດສາຫະກຳ ແລະ ການຄ້າແຂວງບໍລິຄຳໄຊ ໄດ້ ຈັດກອງປະຊຸມດຳເນີນ ຊີວິດການເມືອງກວດກາ ໜ່ວຍ ພັກເຂັ້ມແຂງ-ຮູ້ນຳພາຮອບດ້ານ ປີ 2017 ແລະ ທິດ ທາງແຜນການປີ 2018 ພາຍໃຕ້ການເປັນປະທານ ຂອງ ສະຫາຍ ສຸວັນນີ ໄມຊະນະ ຄະນະປະຈຳພັກ ແຂວງ, ປະທານສະພາປະຊາຊົນແຂວງມີບັນດາສະມາຊິກພັກ- ພະນັກງານພາຍໃນຮາກຖານເຂົ້າ ຮ່ວມຢ່າງ ພ້ອມພຽງ.

July 20, 2017

ສາຍພົວພັນພິເສດ ລາວ-ຫວຽດ ໝັ້ນຍືນ


ຮາກຖານສະຫະພັນແມ່ຍິງພະແນກ ອຄ ໄດ້ຮັບລາງວັນທີ 1 ຈາກງານປະກວດອາຫານແຊບ


ໃນຕອນເຊົ້າຂອງວັນທີ 14 ກໍລະກົດ 2017 ນີ້ ຢູ່ທີ່ເດີ່ນກິລາເປຕັງຂອງແຂວງ ສະຫະພັນແມ່ຍິງ ແຂວງບໍລິ ຄຳໄຊ ໄດ້ຈັດກິດຈະກຳປະກວດການປຸງ ແຕ່ງອາຫານແຊບ ຂຶ້ນ ໂດຍເປັນກຽດເຂົ້າຮ່ວມຂອງທ່ານນາງ ບຸນຊອນ ວໍລະສານ ກຳມະການພັກແຂວງ ປະທານສະຫະພັນແມ່ຍິງ ແຂວງບໍລິຄຳໄຊ, ມີບັນດາສະມາຊິກແມ່ຍິງ ແຕ່ລະພະແນກ ອ້ອມຂ້າງແຂວງ ແລະ ແຂກຖືກເຊີນເຂົ້າຮ່ວມ.