November 14, 2018

ການລົງຕິດຕາມຊຸກຍູ້ ວຽກງານວິຊາສະເພາະຕາມສາຍຕັ້ງ


ເພື່ອເປັນການກະຕຸກຊຸກຍູ້ ວຽກງານວິຊາສະເພາະຕາມສາຍຕັ້ງ ຢູ່ບັນດາເມືອງ 7 ເມືອງ ທົ່ວແຂວງບໍລິຄໍາໄຊ ຂົງເຂດວຽກງານອຸດສາຫະກໍາ ແລະ ການຄ້າ. ໃນລະຫວ່າງ ວັນທີ 5-9 ພະຈິກ 2018. ທ່ານ ແສງອາລຸນ ແສງອາພອນ ຫົວໜ້າພະແນກ ອຸດສາຫະກຳ ແລະ ການຄ້າແຂວງ ບໍລິຄຳໄຊ ພ້ອມດ້ວຍທີມງານ ບັນດາຂະແໜງ ວິຊາສະເພາະ ພາຍໃນພະແນກອຸດສາຫະກໍາ ແລະ ການຄ້າ ໄດ້ລົງໄປເຮັດວຽກ ຕິດຕາມ, ຊຸກຍູ້ ບັນດາໜ້າວຽກ ຢູ່ບັນດາເມືອງ ເຊັ່ນ: ເມືອງທ່າພະບາດ, ເມືອງປາກຊັນ, ເມືອງປາກກະດິງ, ເມືອງຄໍາເກີດ, ເມືອງວຽງທອງ ແລະ ເມືອງບໍລິຄັນ.

October 11, 2018

ພິທີຮັບ ມະຫາຊົນກ້າວໜ້າ ເຂົ້າເປັນສະມາຊິກພັກສຳຮອງ ຂອງ 4 ໜ່ວຍພັກ ຂຶ້ນກັບ ຄະນະພັກຮາກຖານພະແນກ ອຸດສາຫະກໍາ ແລະ ການຄ້າແຂວງບໍລິຄໍາໄຊ.


ໃນວັນທີ 10 ຕຸລາ 2018 ເວລາ 8:30 ໂມງ ທີ່ຫ້ອງປະຊຸມ ພະແນກ ອຸດສາຫະກຳ ແລະ ການຄ້າແຂວງ ໄດ້ຈັດພິທີຮັບ ມະຫາຊົນກ້າວໜ້າ ເຂົ້າເປັນສະມາຊິກພັກສຳຮອງ ຂອງ 4 ໜ່ວຍພັກ ຂຶ້ນກັບຄະນະພັກຮາກຖານພະແນກ ອຸດສາຫະກໍາ ແລະ ການຄ້າ ເປັນກຽດເຂົ້າຮ່ວມ ເປັນປະທານ ໂດຍ ສະຫາຍ ແສງອາລຸນ ແສງອາພອນ ເລຂາຄະນະພັກຮາກຖານ ພະແນກອຸດສາຫະກຳ ແລະ ການຄ້າແຂວງບໍລິຄໍາໄຊ.

October 10, 2018

ກອງປະຊຸມປືກສາຫາລືກ່ຽວກັບສະພາບການຈັດຕັ້ງປະຕິບັດການສົ່ງເສີມ ການຜະລິດ ແລະ ການເຄື່ອນໄຫວການເກັບຊື້ມັນຕົ້ນຂອງບັນດາໂຮງງານ ແລະ ບໍລິສັດພາຍໃນແຂວງ




ໃນວັນທີ 03 ຕຸລາ 2018 ເວລາ 8:30 ໂມງ, ພະແນກອຸດສາຫະກໍາ ແລະ ການຄ້າ ໄດ້ຈັດກອງປະຊຸມປືກສາຫາລື ກ່ຽວກັບສະພາບການຈັດຕັ້ງປະຕິບັດ, ການເຄື່ອນໄຫວການເກັບຊື້ມັນຕົ້ນ ຂອງບັນດາໂຮງງານ ແລະ ບໍລິສັດພາຍໃນແຂວງ. ກອງປະຊຸມດັ່ງກ່າວໄດ້ຈັດຂື້ນຢູ່ພະແນກ ອຸດສາຫະກຳ ແລະ ການຄ້າແຂວງ ພາຍໃຕ້ການເປັນປະທານຂອງ ທ່ານ ພັກສົມດີ ວົງສາວັນດີ ຮອງຫົວໜ້າພະແນກ ອຸດສາຫະກຳ ແລະ ການຄ້າ, ມີທ່ານ ຮອງເຈົ້າເມືອງພະແນກການທີ່ກ່ຽວຂ້ອງ, ຫົວໜ້າຂະແໜງ, ຮອງຫົວໜ້າຂະແໜງ, ຫ້ອງການ ອຄ ເມືອງ ຕະຫລອດຮອດຜູ້ປະກອບການຈາກໂຮງງານ ແລະ ບໍລິສັດ ເຂົ້າຮ່ວມມີທັງໝົດ 24 ທ່ານກອງປະຊຸມໄດ້ຄົ້ນຄ້ວາ 03 ບັນຫາຄື :
1.    ຄົ້ນຄ້ວາກ່ຽວກັບການສົ່ງເສີມການປູກມັນຕົ້ນ ເພື່ອສະໜອງວັດຖຸດິບ ໃຫ້ແກ່ໂຮງງານ ແລະ ຜະລິດ ແປ້ງມັນຕົ້ນເພື່ອສົ່ງອອກຕ່າງປະເທດ .
2.    ສະຫລຼຸບຕີລາຄາຄືນກ່ຽວກັບການຊື້ຂາຍຂອງບັນດາບໍລິສັດ, ເພື່ອຄວາມໜັ້ນຄົງດ້ານການຕະຫລາດ ແລະ ຄວາມເອກະພາບໃນການເກັບຊື້.
3.    ສືບຕໍ່ຄົ້ນຄ້ວາ ຈັດຕັ້ງການຄຸ້ມຄອງ ການຊື້ຂາຍມັນຕົ້ນພາຍໃນເມືອງ ແລະ ແຂວງ ໃຫ້ສອດຄ່ອງ ແລະ ເປັນທຳຕາມກົດໝາຍວາງອອກ .

September 25, 2018

ຈັດຝຶກອົບຮົມສ້າງຄວາມເຂັ້ມແຂງ ໃຫ້ກຸ່ມຫັດຖະກຳຕຳຫູກທໍໄຫມ ບ້ານ ແຈ້ງສະຫວ່າງ ເມືອງ ຄຳເກິດ ແຂວງ ບໍລິຄຳໄຊ


ໃນວັນທີ 17-21 ກັນຍາ 2018 ພະແນກອຸດສາຫະກຳ ແລະ ການຄ້າ ແຂວງ ບໍລິຄໍາໄຊ ໄດ້ສົມທົບກັບ ຫ້ອງການ ອຸດສາຫະກຳ ແລະ ການຄ້າ ເມືອງ ຄຳເກີດ ຈັດຝືກອົບຮົມ: ສ້າງຄວາມເຂັ້ມແຂງ ໃຫ້ກຸ່ມຫັດຖະກຳຕຳຫູກທໍໄຫມ ບ້ານ ແຈ້ງສະຫວ່າງ  ເມືອງ ຄຳເກິດ  ແຂວງ ບໍລິຄໍາໄຊ.

September 19, 2018


ການຄຸ້ມຄອງລາຄາສິນຄ້າ ອຸປະໂພ-ບໍລິໂພກ (ສິນຄ້າຄວບຄຸມລາຄາ) ໃນຊ່ວງທີ່ມີຜົນກະທົບຈາກໄພນໍ້າຖ້ວມ.
ເພື່ອຫລຸດຜ່ອນຜົນກະທົບຕໍ່ການດໍາລົງຊີວິດ ຂອງປະຊາຊົນ ໃນຊ່ວງໄລຍະທີ່ມີຜົນກະທົບຈາກໄພພິບັດ, ຄວບຄຸມບໍ່ໃຫ້ຊາວຄ້າຂາຍເອົາລັດເອົາປຽບຜູ້ບໍລິໂພກ ແລະ ຜູ້ໃຊ້ບໍລິການ, ຈໍາກັດການຄ້າທີ່ບໍ່ມີຄວາມເປັນທໍາ, ກັກຕຸນສິນຄ້າ, ສວຍໂອກາດຂຶ້ນລາຄາສິນຄ້າຕາມລໍາພັງໃຈ ເລີ່ມເດືອນກັນຍາ 2018 ເຈົ້າໜ້າທີ່ກວດກາການຄ້າ ຂະແໜງການຄ້າພາຍໃນ ພະແນກອຸດສາຫະກໍາ ແລະ ການຄ້າ ແຂວງບໍລິຄໍາໄຊ ໄດ້ສົມທົບກັບຫ້ອງການອຸດສາຫະກໍາ ແລະ ການຄ້າເມືອງ ພາຍໃນ 7 ຕົວເມືອງ ລົງຕິດຕາມຄຸ້ມຄອງລາຄາສີນຄ້າຕາມທ້ອງຕະຫຼາດຢ່າງຫັດກຸມ ໂດຍໄດ້ລົງກວດກາສີນຄ້າອາທິດລະ 3 ຄັ້ງ ( ຈັນ, ພຸດ ສຸກ ).


ກອງປະຊຸມປະເມີນຫົວໜ່ວຍ ໂອດອບ ຂອງຄະນະກໍາມະການຄັດເລືອກໂອດອບ ຂັ້ນແຂວງ.
ໃນວັນທີ 11 ກັນຍາ 2018 ເວລາ 8:00 ໂມງ ທີ່ຫ້ອງປະຊຸມພະແນກອຸດສາຫະກໍາ ແລະ ການຄ້າ ໂດຍການເປັນປະທານຂອງ ທ່ານ ຄອນສະຫວັນ ສຸກກະເສີມ ຮອງ ຫົວໜ້າພະແນກ ອຸດສາຫະກຳ ແລະ ການຄ້າແຂວງ ໄດ້ຈັດກອງປະຊຸມຄົ້ນຄ້ວາປຶກສາຫາລື ການນໍາສະເໜີຂໍກາ   ໝາຍໂອດອບແຫ່ງຊາດ, ມີບັນດາຄະນະກໍາມະການຄັດເລືອກໂອດອບຂັ້ນແຂວງ ຈາກ 18 ພະແນກການ, ຕາງໜ້າຈາກເມືອງ, ຕາງໜ້າຈາກຫ້ອງການ ອຸດສາຫະກໍາ ແລະ ການຄ້າ ເມືອງ ແລະ ຜູ້ປະກອບການ ເຂົ້າຮ່ວມທັງໝົດ 30 ຄົນ.
        ເພື່ອຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີ ຄັ້ງທີ 6 ຂອງແຂວງ ໃນການກໍານົດ ຮອດປີ 2020 ຈະສູ້ຊົນປະກາດຫົວໜ່ວຍໂອດອບ ທົ່ວແຂວງໃຫ້ໄດ້ 10 ຫົວໜ່ວຍ ຊຶ່ງປັດຈຸບັນ ປະກາດໄດ້ແລ້ວ 5 ຫົວໜ່ວຍ ແລະ ຄາດວ່າປີນີ້ ຈະສາມາດປະກາດໄດ້ເພີ້້ມ 2 ຫົວໜ່ວຍ.

September 18, 2018


ໃນວັນທີ 12 ກັນຍາ 2018 ພະແນກ ອຸດສາຫະກໍາ ແລະ ການຄ້າແຂວງບໍລິຄໍາໄຊ ໄດ້ຈັດກອງປະຊຸມ ເຜີຍແຜ່ມະຕິກອງປະຊຸມເປີດກວ້າງຄົບຄະນະບໍລິຫານງານພັກແຂວງ ຄັ້ງທີ່ 10 ສະ
ໃໝທີ່ VI ແລະ ໄດ້ເຜີແຜ່ນິຕິກໍາຈຳນວນໜື່ງທີ່ຈະຕ້ອງໄດ້ນໍາໄປປະຕິບັດ. ໂດຍການເປັນປະທານ ຂອງ  ທ່ານ ແສງອາລຸນ ແສງອາພອນ ຫົວໜ້າພະແນກອຸດສາຫະກໍາ ແລະ ການຄ້າ. ມີບັນດາຮອງພະແນກ, ຫົວໜ້າຂະແໜງ, ຮອງຂະແໜງ ພ້ອມດ້ວຍພະນັກງານ - ລັດຖະກອນ ພາຍໃນພະແນກ ໄດ້ເຂົ້າຮ່ວມຢ່າງພ້ອມພຽງ.
ໃນກອງປະຊຸມຄັ້ງນີ້, ທ່ານຫົວໜ້າພະແນກອຸດສາຫະກໍາ ແລະ ການຄ້າແຂວງ ໄດ້ເຜີຍແຜ່ມະຕິມະຕິກອງປະຊຸມເປີດກວ້າງຄົບຄະນະບໍລິຫານງານພັກແຂວງ ຄັ້ງທີ 10 ສະໃໝທີ VI ພ້ອມທັງອະທິບາຍກ່ຽວກັບບັນຫາຕ່າງໆທີ່ສຳຄັນທີ່ຕິດພັນກັບເສດຖະກິດການຄ້າເພື່ອໃຫ້ບັນດາພະນັກງານ-ລັດຖະກອນໄດ້ຮັບຮູ້ ແລະ ເຂົ້າໃຈຢ່າງເລິກເຊີ່ງ. ຫລັງຈາກນັ້ນ, ທ່ານ ຄອນສະຫວັນ ສຸກກະເສີມ ຮອງຫົວໜ້າ ພະແນກອຸດສາຫະກຳ ແລະ ການຄ້າແຂວງ ໄດ້ຂຶ້ນເຜີຍແຜ່ມະຕິກອງປະຊຸມສະພາປະຊາຊົນແຂວງວ່າດ້ວຍການຮັບຮອງເອົາບົດລາຍງານຂອງອົງການປົກຄອງແຂວງກຽ່ວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດປະຈໍາ 6 ເດືອນຕົ້ນປີ ແລະ ທິດທາງ ແຜນນການຈຸດສຸມ 6 ເດືອນທ້າຍປີ 2018 ແລະ ທ່ານຍັງໄດ້ຍົກໃຫ້ເຫັນ ຫຼາຍດ້ານກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດສັງຄົມເພື່ອໃຫ້ພະນັກທຸກຄົນໄດ້ຮັບຮູ້, ພາຍຫຼັງໄດ້ເຜີຍແຜ່ມິຕິກອງປະຊຸມສະພາແລ້ວ ທ່ານພັກສົມດີວົງສາວັນດີ ກໍ່ໄດ້ຂື້ນ ເຜີຍແຜ່ຂໍ້ຕົກລົງວ່າດ້ວຍການຈັດຕັ້ງເຄື່ອນໄຫວຂອງພະແນກອຸດສາຫະກໍາ ແລະ ການຄ້າແຂວງ ແລະ ນະຄອນຫຼວງສະບັບເລກທີ 0918/ອຄ,ກຈພ ລົງວັນທີ 10 ກໍລະກົດ 2018 ທີ່ຫາກໍປັບປຸງ ໃໝ່ ເພື່ອບັນດາພະນັກງານ, ລັດຖະກອນ ພາຍໃນພະແນກ ໄດ້ຮັບຮູ້ ແລະ ເຂົ້າໃຈ ແລະ ພ້ອມກັນນໍາເອົາໄປຈັດຕັ້ງປະຕິບັດ.