February 13, 2019

ພິທີປະກາດການຈັດຕັ້ງ ຂອງພະແນກອຸດສາຫະກໍາ ແລະ ການຄ້າ ແຂວງບໍລິຄໍາໄຊ.


ໃນເວລາ 13:30 ໂມງ ຂອງວັນ 12 ກຸມພາ 2019. ພະແນກອຸດສາຫະກຳ ແລະ ການຄ້າ ແຂວງ ບໍລິຄຳໄຊ ໄດ້ຈັດພິທີປະກາດການຈັດຕັ້ງ ມອບຮັບຫົວໜ້າ ແລະ ຜູ້ຮັກສາການຫົວໜ້າພະແນກ ຂື້ນທີ່ຫ້ອງປະຊຸມ ຂອງພະແນກອຸດສາຫະກຳ ແລະ ການຄ້າ ແຂວງ ບໍລິຄຳໄຊ.

 ໂດຍເປັນປະທານຂອງ ທ່ານ ລໍາສະໄໝ ວໍລະສານ ຄະນະປະຈໍາພັກແຂວງ ປະທານອົງການແນວລາາວສ້າງຊາດແຂວງ. ມີບັນດາຄະນະພັກ, ຄະນະພະແນກ,  ຫົວໜ້າຫ້ອງການ ອ.ຄ ເມືອງ, ບັນດາແຂກຕາງໜ້າພະແນກການອ້ອມຂ້າງ, ຫົວໜ້າຂະແໜງ, ຮອງຂະແໜງ ພ້ອມດ້ວຍພະນັກງານ - ລັດຖະກອນ ພາຍໃນພະແນກ ເຂົ້າຮ່ວມຢ່າງພ້ອມພຽງ.

        ເພື່ອເປັນການປັບປຸງກົງຈັກການຈັດຕັ້ງ ແລະ ອີງໃສ່ຄວາມຮຽກຮ້ອງຕ້ອງການໃນໄລຍະໃໝ່ ແນໃສ່ເຮັດໃຫ້ ການເຄື່ອນໄຫວວຽກງານມີປະສິດທິພາບ, ປະສິດທິຜົນ ບັນລຸຕາມລະດັບຄາດ   ໝາຍທີ່ວາງໄວ້. ໃນພິທີດັ່ງກ່າວ ທ່ານ ວັນໄຊ ພຸດທະສອນ ຕາງໜ້າຄະນະຈັດຕັ້ງແຂວງ ໄດ້ຂຶ້ນຜ່ານຂໍ້ຕົກລົງ ແລະ ມະຕິຂອງຄະນະປະຈໍາພັກແຂວງ ວ່າດ້ວຍການປັບປຸງຊັບຊ້ອນ ດັ່ງນີ້:
1.   ຍົກຍ້າຍ ທ່ານ ແສງອາລຸນ ແສງອາພອນ ໄປຮັບໜ້າທີ່ໃໝ່ຢູ່ເມືອງປາກຊັນ.
2.   ແຕ່ງຕັ້ງ ທ່ານ ບຸນເພັງ ໄຊສົງຄາມ ເປັນຮັກສາການ ຫົວໜ້າພະແນກ ອຸດສາຫະກໍາ ແລະ ການຄ້າແຂວງ
ແລະ ໄດ້ຜ່ານມະຕິຕົກລົງວ່າດ້ວຍ ການບົ່ງຕົວແຕ່ງຕັ້ງ ສະຫາຍບຸນເພັງ ໄຊສົງຄາມ ເປັນວ່າການເລຂາ ຄະນະພັກຮາກຖານພະແນກອຸດສາຫະກໍາ ແລະ ການຄ້າ.
ໃນພິທີດັ່ງກ່າວ ທ່ານ ລໍາສະໄໝ ວໍລະສານ ຄະນະປະຈໍາພັກແຂວງ ປະທານອົງການແນວລາວສ້າງຊາດແຂວງ ກໍ່ໄດ້ມີຄໍາເຫັນໂອ້ລົມ ຕໍ່ກອງປະຊຸມເພື່ອເປັນເຂັມທິດເຍື່ອງທາງໃຫ້ຄະນະພັກ ຄະນະພັກແນກ ກໍ່ຄືຜູ້ຮັກສາການຫົວໜ້າພະແນກອຸດສາຫະກໍາ ແລະ ການຄ້າ ຜູ້ໃໝ່ ໄດ້ສືບຕໍ່ຈັດຕັ້ງປະຕິບັດວຽກງານອຸດສາຫະກໍາ ແລະ ການຄ້າ ໃຫ້ມີຜົນສໍາເລັດຂື້ນກ່ວາເກົ່າ ແລະ ທ່ານກໍຍັງໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນງານທີ່ຫົວໜ້າພະແນກຜູ້ເກົ່າຍາດມາໄດ້ໃນໄລຍະຜ່ານມາ ເພື່ອພ້ອມກັນສືບຕໍ່ເສີມຂະຫຍາຍ.

ກອງປະຊຸມໄດ້ດໍາເນີນເປັນເວລາ 1 ຕອນ ແລະ ໄດ້ສີ້ນສຸດລົງໃນວັນດຽວກັນ.


No comments:

Post a Comment