October 11, 2018

ພິທີຮັບ ມະຫາຊົນກ້າວໜ້າ ເຂົ້າເປັນສະມາຊິກພັກສຳຮອງ ຂອງ 4 ໜ່ວຍພັກ ຂຶ້ນກັບ ຄະນະພັກຮາກຖານພະແນກ ອຸດສາຫະກໍາ ແລະ ການຄ້າແຂວງບໍລິຄໍາໄຊ.


ໃນວັນທີ 10 ຕຸລາ 2018 ເວລາ 8:30 ໂມງ ທີ່ຫ້ອງປະຊຸມ ພະແນກ ອຸດສາຫະກຳ ແລະ ການຄ້າແຂວງ ໄດ້ຈັດພິທີຮັບ ມະຫາຊົນກ້າວໜ້າ ເຂົ້າເປັນສະມາຊິກພັກສຳຮອງ ຂອງ 4 ໜ່ວຍພັກ ຂຶ້ນກັບຄະນະພັກຮາກຖານພະແນກ ອຸດສາຫະກໍາ ແລະ ການຄ້າ ເປັນກຽດເຂົ້າຮ່ວມ ເປັນປະທານ ໂດຍ ສະຫາຍ ແສງອາລຸນ ແສງອາພອນ ເລຂາຄະນະພັກຮາກຖານ ພະແນກອຸດສາຫະກຳ ແລະ ການຄ້າແຂວງບໍລິຄໍາໄຊ. ມີບັນດາສະມາຊິກພັກ ຈາກ 4 ໜ່ວຍພັກ ເຂົ້າຮ່ວມທັງໝົດ 42 ສະຫາຍ.
ເພື່ອປະຕິບັດຕາມ ມະຕິຕົກລົງ ຂອງຄະນະປະຈໍາພັກແຂວງບໍລິຄໍາໄຊ ວ່າດ້ວຍການອະນຸມັດ ຮັບມະຫາຊົນເຂົ້າເປັນສະມາຊິກພັກສໍາຮອງ ໂດຍໄດ້ເຫັນດີຕົກລົງ ຮັບຮອງເອົາ ບັນດາສະຫາຍເຂົ້າເປັນສະມາຊີກພັກ ປະຊາຊົນ ປະຕິວັດລາວ ດັ່ງນີ້:
·        ສະຫາຍ ໄຊຍະເພັດ ຈັນທະສອນ
·        ສະຫາຍ ນ. ອອ່ນຈັນ ຈັນທະວົງ
·        ສະຫາຍ ຄຳປະເສິດ ສຸກສົມຫວັງ
·        ສະຫາຍ ນ ວຽງຄຳ  ພຸດທະວົງ
·        ສະຫາຍ ໄພມີ ສອນມະນີ
ພາຍຫລັງ ປະຕິບັດຕາມລະບຽບຂັ້ນຕອນ ຂອງພິທີຮັບສະມາຊິກພັກ, ໃນຕອນທ້າຍ ປະທານກອງປະຊຸມ ໄດ້ໃຫ້ກຽດໂອ້ລົມ ແລະ ມີທິດຊີ້ນໍາ ເພື່ອເປັນເຂັມຊີ້ທິດເຍືອງທາງ ໃຫ້ສະມາຊິກພັກໃໝ່ ສືບຕໍ່ສ້າງຜົນງານ, ບຸກບືນຫ້າວຫັນຂຶ້ນຕື່ມ ເພື່ອກໍ່ສ້າງຕົນເອງໃຫ້ກາຍເປັນສະມາຊິກພັກສົມບູນ ຕາມກົດລະບຽບຂອງພັກ ປະຊາຊົນ ປະຕິວັດລາວ ສະໄໝທີ X ໝວດ ທີ I ກ່ຽວກັບສະມາຊິກພັກ ແລະ ມາດຕາ 2 ວ່າດ້ວຍລະບຽບການຂະຫຍາຍພັກ.

No comments:

Post a Comment