August 3, 2018

ປະຖະກະຖາມູນເຊື້ອ ວັນສ້າງຕັ້ງສະຫະພັນແມ່ຍີງລາວ ຄົບຮອບ 63 ປີ. ( 20 ກໍລະກົດ 1955 – 20 ກໍລະກົດ 2018 )

ໃນວັນທີ 02 ສີງຫາ 2018 ເວລາ 8:30 ທີ່ຫ້ອງປະຊຸມພະແນກອຸດສາຫະກຳ ແລະ ການຄ້າ ໄດ້ຈັດພິທີ ເຜີຍແຜ່ປະຖະກະຖາ ມູນເຊື້ອວັນສ້າງຕັ້ງສະຫະພັນແມ່ຍີງລາວ ຄົບຮອບ 63 ປີ (20 ກໍລະກົດ 1955 -20 ກໍລະກົດ 2018) ຂຶ້ນ, ພ້ອມກັນນັ້ນ ກໍ່ໄດ້ສະຫລຸບ ການຈັດຕັ້ງປະຕິບັດວຽກງານຮອບດ້ານ ຂອງສະຫະພັນແມ່ຍິງພະແນກອຸດສາຫະກໍາ ແລະ ການຄ້າ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ.



ໃນພິທີດັ່ງກ່າວ ໃຫ້ກຽດເຂົ້າຮ່ວມເປັນປະທານ ໂດຍ ທ່ານ ນາງ ມະນີວັນ ວົງສະຫວັດ ຄະນະພັກຮາກຖານ ທັງເປັນຮອງປະທານສະຫະພັນແມ່ຍິງຮາກຖານພະແນກ ອຸດສາຫະກຳ ແລະ ການຄ້າແຂວງ ແລະ ທ່ານ ນາງ ສີວັນ ບຸນວົງໄຊ ຄະນະບໍລິຫານງານສະຫະພັນແມ່ຍິງແຂວງ ທັງເປັນປະທານສະຫະພັນແມ່ຍິງຮາກຖານພະແນກອຸດສາຫະກຳ ແລະ ການຄ້າແຂວງ, ພ້ອມດ້ວຍບັນດາແຂກຕາງໜ້າ ຈາກສະຫະພັນກໍາມະບານຮາກຖານພະແນກ ອຸດສາຫະກໍາ ແລະ ການຄ້າ, ຕາງໜ້າອົງການຈັດຕັ້ງຊາວໜຸ່ມຮາກຖານ ແລະ ບັນດາເອື້ອຍນ້ອງສະມາຊິກແມ່ຍິງພະແນກອຸດສາຫະກຳ ແລະ ການຄ້າແຂວງ ທັງໝົດ 35 ທ່ານ.

ທ່ານ ນາງ ມະນີວັນ ວົງສະຫວັດ ຄະນະພັກຮາກຖານ ທັງເປັນຮອງປະທານສະຫະພັນແມ່ຍິງຮາກຖານພະແນກ ອຸດສາຫະກຳ ແລະ ການຄ້າແຂວງ ໄດ້ໃຫ້ກຽດຂຶ້ນປະຖະກະຖາ ມູນເຊື້ອວັນສ້າງຕັ້ງແມ່ຍິງລາວຄົບຮອບ 63 ປີ ເພື່ອເປັນການສຶກສາອົບຮົມສະມາຊິກສະຫະພັນແມ່ຍິງລາວບັນດາເຜົ່າໃຫ້ມີຄວາມຮູ້ຄວາມເຂົ້າໃຈກ່ຽວກັບປະຫວັດຄວາມເປັນມາແຫລ່ງກຳເນິດ, ການເຕີບໃຫ່ຍຂະຫຍາຍຕົວຂອງການຈັດຕັ້ງສະຫະພັນແມ່ຍິງລາວ, ການເສີມຂະຫຍາຍຄຸນລັກສະນະທີ່ເປັນມູນເຊື້ອຂອງແມ່ຍິງລາວບັນດາເຜົ່າ ແລະ ເພື່ອເປັນການປຸກລະດົມສະມາຊິກສະຫະພັນແມ່ຍິງ ແລະ ແມ່ຍິງ ລາວບັນດາເຜົ່າ ໃຫ້ເປັນເຈົ້າການເຂົ້າຮ່ວມພາລະກິດປົກປັກຮັກສາ ແລະ ສ້າງສາພັດທະນາປະເທດຊາດເວົ້າລວມ ໂດຍເນື້ອໃນໄດ້ຍົກໃຫ້ເຫັນ:
1). ປະຫວັດຄວາມເປັນມາ ຂອງວັນສ້າງຕັ້ງສະຫະພັນແມ່ຍິງລາວ ວັນທີ 20 ກໍລະກົດ.
2). ຜົນງານການເຄື່ອນໄຫວພົ້ນເດັ່ນ ຂອງສູນກາງສະຫະພັນແມ່ຍິງລາວ ໃນໄລຍະ 1 ປີ 2018.
3). ປະຫວັດການສ້າງຕັ້ງ ສະຫະພັນແມ່ຍິງແຂວງບໍລິຄໍາໄຊ ໂດຍຫຍໍ້.
4). ຜົນງານການເຄື່ອນໄຫວ ຂອງສະຫະພັນແມ່ຍິງແຂວງບໍລິຄໍາໄຊ ໃນໄລຍະ 1 ປີ (7/2017-6/2018).


ຫລັງຈາກນັ້ນ, ທ່ານ ນາງ ສີວັນ ບຸນວົງໄຊ ຄະນະບໍລິຫານງານສະຫະພັນແມ່ຍິງແຂວງ, ປະທານສະຫະພັນແມ່ຍິງຮາກຖານ ໄດ້ຂື້ນຜ່ານບົດສະຫລຼຸບວຽກງານຮອບດ້ານຂອງສະຫະພັນແມ່ຍິງຮາກຖານ ປະຈຳ 06 ເດືອນຕົ້ນປີ ແລະ ທິດທາງແຜນການ 6 ເດືອນ ຕໍ່ໜ້າ. ໃນໂອກາດນີ້ ກໍ່ໄດ້ຖືເອົາເວທີດັ່ງກ່າວ ເປັນການສຶກສາອົບຮົມການເມືອງແນວຄິດ, ມີການແລກປ່ຽນຄໍາຄິດຄໍາເຫັນ ຕໍານິສົ່ງຂ່າວ ກໍ່ສ້າງເຊິ່ງກັນ ແລະ ກັນ ເພື່ອເຮັດໃຫ້ບັນດາສະມາຊິກແມ່ຍິງພາຍໃນຮາກຖານ ພ້ອມກັນປັບປຸງແກ້ໄຂດ້ານອ່ອນຂໍ້ຄົງຄ້າງ ແລະ ເສີມຂະຫຍາຍດ້ານດີ ພ້ອມກັນສືບຕໍ່ເຮັດໜ້າທີ່ການເມືອງຂອງຕົນ ໃຫ້ໄດ້ຮັບປະສິດທິຜົນສູງ.

No comments:

Post a Comment