May 24, 2018

ພິທິປະກາດການຈັດຕັ້ງ ຂອງພະແນກອຸດສາຫະກຳ ແລະ ການຄ້າ ຄັ້ງວັນທີ 21 ພຶດສະພາ 2018

ເພື່ອເປັນການກະກຽມໃຫ້ແກ່ກອງປະຊຸມໃຫຍ່ ສາມຂັ້ນ ແລະ ສືບຕໍ່ປັບປຸງການຈັດຕັ້ງ ໃຫ້ມີຄວາມເຂັ້ມແຂງຢ່າງຕໍ່ເນື່ອງ ແລະ ສອດຄ່ອງກັບຄວາມຮູ້ຄວາມສາມາດ. ໃນວັນທີ 21 ພຶດສະພາ 2018 ທີ່ຜ່ານມານີ້ ທີ່ຫ້ອງປະຊຸມ ພະແນກ ອຸດສາຫະກຳ ແລະ ການຄ້າແຂວງ ໄດ້ຈັດພິທີປະກາດການຈັດຕັ້ງຂຶ້ນ ໂດຍການເປັນກຽດເຂົ້າຮ່ວມຂອງ ປອ ສຸວັນນີ ໄຊຊະນະ ຮອງເລຂາພັກແຂວງ ປະທານສະພາປະຊາຊົນແຂວງ, ມີແຂກຖືກເຊີນ ຈາກພະແນກການອ້ອມຂ້າງ ຕະຫລອດຮອດພະນັກງານ - ລັດຖະກອນ ພະແນກ ອຸດສາຫະກຳ ແລະ ການຄ້າແຂວງ ໄດ້ເຂົ້າຮ່ວມຢ່າງພ້ອມພຽງ.

ໃນພິທີດັ່ງກ່າວ ຮອງຫົວໜ້າຄະນະຈັດຕັ້ງແຂວງ ໄດ້ຂື້ນຜ່ານຂໍ້ຕົກລົງແຕ່ງຕັ້ງ ທ່ານ ຄອນສະຫວັນ ສຸກກະເສີມ ເປັນ ຮອງຫົວໜ້າພະແນກ ອຸດສາຫະກຳ ແລະ ການຄ້າແຂວງບໍລິຄຳໄຊ ຄົນໃໝ່ ແລະ ຍົກຍ້າຍ ທ່ານ ອຸດອນ ຄຳພຽນ ໄປປະຈຳຢູ່ ຫ້ອງວ່າການ ປົກຄອງແຂວງ .

ໃນຕອນທ້າຍຂອງພິທີ ທ່ານ ປອ ສຸວັນນີ ໄຊຊະນະ ຮອງເລຂາພັກແຂວງ ປະທານສະພາປະຊາຊົນແຂວງ ໄດ້ມີຄໍາເຫັນໂອ້ລົມ ແລະ ໃຫ້ທິດຊີ້ນໍາ ໂດຍໄດ້ສະແດງຄວາມຊົມເຊີຍ ຕໍ່ຜົນງານການຈັດຕັ້ງປະຕິບັດວຽກງານ ອຸດສາຫະກໍາ ແລະ ການຄ້າ ໃນໄລຍະຜ່ານມາ. ໃນໂອກາດນີ້ ທ່ານປະທານກອງປະຊຸມ ຍັງໄດ້ເນັ້ນໜັກບາງບັນຫາ ໂດຍເອົາໃຈໃສ່ ຮັກສາຄວາມສາມັກຄີພາຍໃນຄະນະ, ພ້ອມກັນສຸມສະຕິປັນຍາ ຈັດຕັ້ງປະຕິບັດ ວຽກງານອຸດສາຫະກໍາ ແລະ ການຄ້າ ໃຫ້ພັດທະນາ ແລະ ສາມາດປະຕິບັດບັນດາຕົວເລກຄາດໝາຍສູ້ຊົນ ໃນແຜນພັດທະນາ ວຽກງານອຸດສາຫະກໍາ ແລະ ການຄ້າ ຂອງຕົນໃຫ້ໄດ້ຮັບຜົນດີ.

No comments:

Post a Comment