August 25, 2017

ຄະນະພັກຮາກຖານພະແນກ ອຄ ດຳເນີນຊີວິດການເມືອງກວດກາ ໜ່ວຍພັກເຂັ້ມແຂງ-ຮູ້ນຳພາຮອບດ້ານ ປີ 2017

   
ໃນວັນທີ 21-23 ສິງຫາ 2017 ຢູ່ທີ່ຫ້ອງປະຊຸມພະ ແນກອຸດສາຫະກຳ ແລະ ການຄ້າແຂວງບໍລິຄຳໄຊ ໄດ້ ຈັດກອງປະຊຸມດຳເນີນ ຊີວິດການເມືອງກວດກາ ໜ່ວຍ ພັກເຂັ້ມແຂງ-ຮູ້ນຳພາຮອບດ້ານ ປີ 2017 ແລະ ທິດ ທາງແຜນການປີ 2018 ພາຍໃຕ້ການເປັນປະທານ ຂອງ ສະຫາຍ ສຸວັນນີ ໄມຊະນະ ຄະນະປະຈຳພັກ ແຂວງ, ປະທານສະພາປະຊາຊົນແຂວງມີບັນດາສະມາຊິກພັກ- ພະນັກງານພາຍໃນຮາກຖານເຂົ້າ ຮ່ວມຢ່າງ ພ້ອມພຽງ.
 ໃນພິທີຄັ້ງນີ້ສະຫາຍ ສຸວັນນີ ໄມຊະນະ ໄດ້ໃຫ້ກຽດຜ່ານເອກະສານຄຸນສົມບັດສິນທຳປະຕິວັດຂອງ ພະນັກງານ ສະມາຊິກພັກໃນພາລະກິດປ່ຽນແປງໃໝ່ ໂດຍໄດ້ຍົກໃຫ້ເຫັນຄວາມໝາຍຄວາມສຳຄັນ, ທິດທາງ ແລະ ວິທີເຝີກ ຝົນຫຼໍ່ຫຼອມຄຸນສົມບັດສິນທຳປະຕິວັດ, ສາເຫດທີພາໃຫ້ເກີດປະກົດການຫຍໍ້ທໍ້ໃນກົງຈັກບໍລິຫານລັດ, ປະກົດການ ຫຍໍ້ທໍ້ທີ່ຕ້ານກັບຄູນສົມບັດຂອງພະນັກງານ ສະມາຊິກພັກ ໃນນັ້ນເນື້ອໃນຄຸນສົມບັດສິນທຳປະຕິວັດ ມີຄື: ການເຝີກ ຝົນຫຼໍ່ຫຼອມນ້ຳໃຈບໍລິສຸດຕໍ່ຊາດ, ຕໍ່ພັກ, ຕໍ່ອຸດົມການປະຕິວັດ ແລະ ກະຕັນຍູຕໍ່ປະຊາຊົນ, ເຝີກຝົນຫຼໍ່ຫຼອມ ນ້ຳໃຈບໍລິສຸດຕໍ່ລັດທິສາກົນຂອງຊົນຊັ້ນກຳມະກອນ ແລະ ຕໍ່ການປະຕິວັດ, ສ້າງນ້ຳໃຈລວມໝູ່ເອກະພາບ ຕ້ານຄວາມ ຄິດເອກະຊົນເຫັນແກ່ຕົວ, ສ້າງທັດສະນະຮັກການອອກແຮງງານ, ເປັນແບບຢ່າງນຳໜ້າໃນການປະດິດສ້າງ, ດຸໝັ່ນ, ປະຢັດ, ປົກປັກຮັກສາ ແລະ ສ້າງສາປະເທດຊາດດ້ວຍຄວາມຮັບຜິດຊອບສູງ ແລະ ຈີງໃຈ, ຕ້ານພະຍາດຂີ້ຄ້ານ, ເກາະຫ້ອຍກິນແຮງງານຜູ້ອື່ນ, ຍົກລະດັບຄວາມຮູ້ທາງດ້ານວິຊາການ, ສະແຫວງຫາຄວາມກ້າວໜ້າ, ເຝີກຝົນຫຼໍ່ຫຼອມ ສະຕິເຄົາລົບການຈັດຕັ້ງ, ລະບຽບກົດໝາຍ, ປົກປັກຮັກສາຄວາມສາມັກຄີພາຍໃນ - ພາຍນອກໃຫ້ແໜ້ນແຟ້ນ. ນອກນີ້ ກອງປະຊຸມຍັງໄດ້ຮັບຟັງ ແລະ ເຊື່ອມຊຶມ ເອກະສານຂໍ້ກຳນົດຂອງກົມການເມືອງສູນກາງພັກເລກທີ 01/ກມສພ ລົງວັນທີ 7 ກໍລະກົດ 2003 ວ່າດ້ວຍການຕີລາຄາແບ່ງປະເພດພະນັກງານ ແລະ ເລກທີ 02/ກມສພ ລົງວັນທີ 20 ເມສາ 2004 ວ່າດ້ວຍການກວດກາ ຕີລາຄາແບ່ງປະເພດການຈັດຕັ້ງພັກ ແລະ ສະມາຊິກພັກ ຕື່ມອີກ.
    ກອງປະຊຸມດັ່ງກ່າວຈະໄດ້ດຳເນີນໄປເປັນເວລາ 3 ວັນຈຶ່ງຈະສຳເລັດ ໂດຍຈະມີການທາບທາມຄຳເຫັນສົ່ງຂ່າວ ຕີລາຄາຈັດປະເພດການຈັດຕັ້ງຮາກຖານພັກ, ສະມາຊິກພັກ ແລະ ມະຫາຊົນ, ຮັບຟັງ-ປະກອບຄຳເຫັນໃສ່ບົດສະຫຼຸບ ແລະ ທິດທາງແຜນການປີຂອງ 4 ໜ່ວຍພັກ, ມີການສຳຫຼວດພາຍໃນໜ່ວຍ, ຜ່ານບົດສຳຫຼວດແຕ່ລະສະຫາຍ ແລະ ຮັບຟັງ ການຜ່ານຮ່າງມະຕິກອງປະຊຸມ ເພຶ່ອສັງລວມດ້ານດີ ແລະ ບາງຂໍ້ຄົງຄ້າງ.

No comments:

Post a Comment