July 20, 2017

ຮາກຖານສະຫະພັນແມ່ຍິງພະແນກ ອຄ ໄດ້ຮັບລາງວັນທີ 1 ຈາກງານປະກວດອາຫານແຊບ


ໃນຕອນເຊົ້າຂອງວັນທີ 14 ກໍລະກົດ 2017 ນີ້ ຢູ່ທີ່ເດີ່ນກິລາເປຕັງຂອງແຂວງ ສະຫະພັນແມ່ຍິງ ແຂວງບໍລິ ຄຳໄຊ ໄດ້ຈັດກິດຈະກຳປະກວດການປຸງ ແຕ່ງອາຫານແຊບ ຂຶ້ນ ໂດຍເປັນກຽດເຂົ້າຮ່ວມຂອງທ່ານນາງ ບຸນຊອນ ວໍລະສານ ກຳມະການພັກແຂວງ ປະທານສະຫະພັນແມ່ຍິງ ແຂວງບໍລິຄຳໄຊ, ມີບັນດາສະມາຊິກແມ່ຍິງ ແຕ່ລະພະແນກ ອ້ອມຂ້າງແຂວງ ແລະ ແຂກຖືກເຊີນເຂົ້າຮ່ວມ.

      ທ່ານນາງ ບຸນຊອນ ວໍລະສານ ໄດ້ກ່າວວ່າ: ຈຸດປະສົງໃນຄັ້ງນີ້ກໍ່ເພື່ອເປັນ ການສະເຫຼີມສະຫຼອງວັນສ້າ ງຕັ້ງ ສະຫະພັນແມ່ຍິງລາວ ຄົບຮອບ 62 ປີ 20 ກໍລະກົດ 1955 – 20 ກໍລະກົດ 2017, ເພື່ອເປັນການເຕົ້າໂຮມຄວາມ ສາມັກຄີ, ປຸກລະດົມສະມາຊິກແມ່ຍິງ, ແມ່ຍິງບັນດາເຜົ່າ ໃຫ້ເປັນເຈົ້າການເຂົ້າຮ່ວມພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ໂດຍສະເພາະ ການພັດທະນາ ແມ່ຍິງຕາມວິໄສທັດພັດທະນາແມ່ຍິງລາວ ຮອດປີ 2030, ແຜນພັດທະນາແມ່ຍິງລາວ 5 ປີ 2016-2020 ແລະ ເປົ້າໝາຍເພື່ອພັດທະນາແມ່ຍິງແບບຍືນຍົງ ແລະ ເປັນການເຕົ້າໂຮມ ຄວາມສາມັກຄີຂອງສະມາຊິກແມ່ຍິງ ພາຍໃນແຂວງ ໃຫ້ກວ້າງຂວາງຍິ່ງຂຶ້ນ, ສຳລັບພາກສ່ວນສົ່ງເຂົ້າປະກວດມີທັງໝົດ 17 ຮາກຖານຈາກພະແນກການ ອ້ອມຂ້າງແຂວງ, ທະນາຄານ ແລະ ວິທະຍາໄລກະສິກຳ-ປ່າໄມ້, ໂດຍກຳນົດໃຫ້ປຸງແຕ່ງອາຫານ 3 ປະເພດຄື: ເຂົ້າປຸ້ນ, ນ້ຳໝາກອຶ ແລະ ລາກູ່, ຜ່ານການແຂ່ງຂັນ ແລະ ການໃຫ້ຄະແນນຈາກຄະນະກຳມະການ ສະຫຼຸບ ໄດ້ດັ່ງນີ້ ອາຫານທີ່ແຊບຖືກໃຈຄະນະກຳ ມະການເປັນອັນດັບ 1 ໄດ້ແກ່ ຮາກຖານສະຫະພັນແມ່ຍິງພະແນກ ອຸດສາຫະກຳ -ການຄ້າແຂວງ, ອັນດັບ 2 ໄດ້ແກ່ ຮາກຖານ ໂຮງໝໍແຂວງ ແລະ ອັນດັບ 3 ໄດ້ແກ່ ຮາກຖານຊາວໜຸ່ມແຂວງ, ສ່ວນປະເພດລາງວັນ ທີ 1 ໄດ້ຮັບເງິນສົດຈຳນວນ 500,000 ກີບ, ລາງວັນທີ 2 ໄດ້ຮັບ 400,000 ກີບ ແລະ ລາງວັນທີ 3 ໄດ້ຮັບ 300,000 ກີບ.

 ໃຫ້ກຽດມອບໂດຍທ່ານນາງ ບຸນຊອນ ວໍລະສານ ກຳມະການພັກແຂວງ ປະທານສະຫະພັນ ແມ່ຍິງແຂວງບໍລິຄຳໄຊ ແລະ ທ່ານນາງ ຂັນທອງ ພັນທະຈັກ ຮອງປະທານສະຫະພັນແມ່ຍິງແຂວງ.
ນອກຈາກນັ້ນ ຍັງໄດ້ມີການບໍລິຈາກເລືອດ ຈາກພະນັກງານ-ລັດຖະກອນ, ສະມາຊິກແມ່ຍິງ ຈາກພາກສ່ວນຕ່າງໆທີ່ສະໝັກໃຈເຂົ້າບໍລິຈາກເລືອດເພື່ອຊ່ວຍເຫຼືອສັງຄົມຊ່ວຍເຫຼືອເພື່ອມະນຸດດ້ວຍກັນອີກດ້ວຍ ແລະ ຖືເປັນການສະເຫຼີມສະຫຼອງວັນສ້າງຕົ້ງສະຫະພັນແມ່ຍິງລາວຢ່າງເປັນຂະບວນຟົດຟື້ນ.












ເນື້ອໃນຂ່າວຈາກ: www.bolikhamxay.gov.la

No comments:

Post a Comment