August 22, 2016

ດຳເນີນຊີວິດການເມືອງ ແລະ ກວດກາໜ່ວຍພັກເຂັ້ມແຂງ-ຮູ້ນຳພາຮອບດ້ານ

ຕອນເຊົ້າວັນທີ 22 ສິງຫາ 2016 ນີ້ ຄະນະຮາກຖານພັກພະແນກອຸດສາຫະກຳ ແລະ ການຄ້າ ແຂວງ ບໍລິຄຳໄຊ ໄດ້ເປີດບັ້ນດຳເນີນຊີວິດການເມືອງ ໜ່ວຍພັກເຂັ້ມແຂງ-ຮູ້ນຳພາຮອບດ້ານ ປະຈຳສົກປີ 2015-2016 ຂື້ນຢ່າງເປັນທາງການ ໂດຍການ ເປັນປະທານຂອງສະຫາຍ ແສງອາລຸນ ແສງອາພອນ ເລຂາຄະນະພັກຮາກຖານ, ຫົວໜ້າພະແນກອຸດສາຫະກຳ ແລະ ການຄ້າ ແຂວງ ບໍລິຄຳໄຊ, ມີຄະນະພັກຮາກຖານ, ຄະນະໜ່ວຍພັກ, ພະນັກງານສຳມະຊິກພັກ, ພະນັກງານຫຼັກແຫຼ່ງ ອ້ອມຂ້າງເຂົ້າຮ່ວມ.

      ໃນນີ້, ຄະນະພັກຮາກຖານ ໄດ້ເປັນກຽດ ເຜີຍແຜ່ເອກະສານ ຂໍ້ກຳນົດຂອງກົມການເມືອງສູນກາງພັກເລກທີ່01, 02 ແລະ 03/ກມສພ ວ່າດ້ວຍການຕີລາຄາແບ່ງປະເພດພະນັກງານ ວ່າດ້ວຍລະບອບການກວດກາຕີລາຄາແບ່ງປະເພດ ຄຸນນະພາບການຈັດຕັ້ງຮາກຖານພັກ ແລະ ສະມາຊິກພັກ, ແລະ ວ່າດ້ວຍມາດຖານການປັບປຸງກໍ່ສ້າງໜ່ວຍພັກເຂັ້ມແຂງ-ຮູ້ນຳພາຮອບດ້ານ. ພ້ອມທັງມີການແບ່ງເປັນຈຸໜ່ວຍເພື່ອສືບຕໍ່ດຳເນີນຊີວິການເມືອງ ຕາມລະບຽບການວາງອອກ.

        ກອງປະຊຸມເປີດບັ້ນດຳເນີນຊີວິດການເມືອງ ແລະກວດກາໜ່ວຍພັກເຂັ້ມແຂງ-ຮູ້ນຳພາຮອບດ້ານຂອງໜ່ວຍພັກພະແນກອຸດສາຫະກຳ ແລະ ການຄ້າແຂວງ ບໍລິຄຳໄຊ ຄັ້ງນີ້ແມ່ນຈະດຳເນີນໄປເປັນເວລາ 3 ວັນ ແຕ່ວັນທີ 22-24 ສິງຫາ 2016 ຈຶງຈະສຳເລັດ.

No comments:

Post a Comment