June 28, 2016

ແຂວງບໍລິຄຳໄຊ-ຈັງຫວັດບຶງການ ປຶກສາຫາລືດ້ານການສົ່ງເສີມ ການຮ່ວມມືດ້ານການຄ້າ, ກາງລົງທຶນ ແລະ ການທ່ອງທ່ຽວ

ໃນວັນທີ 16 ມີຖຸນາ 2016 ຢູ່ທີ່ຫ້ອງປະຊຸມຫ້ອງວ່າການປົກຄອງແຂວງ ໄດ້ຈັດກອງປະຊຸມປຶກສາຫາລືສົ່ງເສີມການຮ່ວມມືດ້ານການຄ້າ, ກາງລົງທຶນ ແລະ ການທ່ອງທ່ຽວ ລະຫວ່າງ ແຂວງບໍລິຄຳໄຊ, ສປປ ລາວ ແລະ ຈັງຫວັດບຶງການ, ຣາຊະອານາຈັກໄທ ຄະນະຜູ້ແທນແຂວງບໍລິຄຳໄຊ ນຳໂດຍ ທ່ານ ປອ ສຸວັນນີ ໄຊຊະນະ ຮອງເລຂາພັກແຂວງ, ປະທານສະພາປະຊາຊົນແຂວງ ທ່ານ ພັກສົມດີ ວົງສາວັນດີ ຮອງຫົວໜ້າພະແນກອຸດສາຫະກຳ ແລະ ການຄ້າແຂວງ ແລະ ຄະນະຜູ້ແທນຈັງຫວັດບຶງການ ນຳໂດຍ ທ່ານ  ວິໂລດ ພິເພກ ແລະ ທ່ານ ເທວັນ ສັນນິກອນ ທີ່ປຶກສາຜູ້ວ່າຣາຊະການ ຈັງຫວັດບຶງການ.

          ກອງປະຊຸມຄັ້ງນີ ເປັນການຈັດຕັ້ງຜັນຂະຫຍາຍ ບົດບັນທຶກກອງປະຊຸມແຜນຮ່ວມມືລະຫວາງ ສຳນັກງານພານິດຈັງຫວັດ ແລະ ພະແນກອຸດສາຫະກຳ ແລະ ການຄ້າ ຕາມຊາຍແດນ ລາວ-ໄທ ຄັ້ງທີ 7 ໃນລະຫວ່າງວັນທີ 23-24 ມີນາ 2016 ທີ່ຈັງຫວັດນະຄອນພະນົມ, ຣາຊະອານະຈັກໄທ ແລະ ບົດບັນທຶກກອງປະຊຸມ 3 ປະເທດ 9 ແຂວງ ລາວ-ຫວຽດນາມ-ໄທ ຄັ້ງທີ 19 ໃນວັນທີ 21 ທັນວາ 2015 ທີ່ແຂວງຄຳມ່ວນ, ສປປ ລາວ. ໃນວາລະກອງປະຊຸມ ທັງສອງຝ່າຍໄດ້ປຶກສາຫາລື ພັດປ່ຽນກັນປະກອບຄຳຄິດ-ຄຳເຫັນ ດ້ວຍບັນຍາກາດອັນດີ ແຫ່ງໄມຕີຈິດມິດຕະພາບ ຖານບ້ານໃກ້ເຮືອນຄຽງທີ່ດີຮ່ວມກັນ ແລະ ທັງສອງຝ່າຍເຫັນດີເປັນເອກະພາບບາງເນື້ອໃນຮ່ວມກັນດັ່ງນີ້: ເຫັນດີສະ   ເໜີພາກສ່ວນກ່ຽວຂ້ອງ ຈັດກອງປະຊຸມປຶກສາຫາລື ເພື່ອແກ້ໄຂບັນຫາບໍລິການ ເຂົ້າ-ອອກ, ການເດີນເຮືອ, ການເກັບຄ່າບໍລິການ ແລະ ການບໍລິການດ້ານອື່ນໆ ໃຫ້ເປັນເອກະພາບຮ່ວມກັນ, ສຶກສາຄວາມເປັນໄປໄດ້ໃນການນຳໃຊ້ເນື້ອທີ່ດີນທີ່ເໝາະສົມແກ່ການຜະລິດກະສິກຳ ແລະ ໃຫ້ມີການຮ່ວມມືກັນລັກສະນະ Contract Farmingເພື່ອປູກຜັກປອດສານຜິດ ຢູ່ແຂວງບໍລິຄຳໄຊ, ເຫັນດີມອບໃຫ້ໜ່ວຍງານ ແລະ ຜູ້ປະກອບການທັງສອງຝ່າຍ ສ້າງລະບົບການທ່ອງທ່ຽວ ຕາມສາຍທາງ ຈັງຫວັດບຶງການ-ແຂວງບໍລິຄຳໄຊ-ແຂວງຊຽງຂວາງ ແລະ ຄວນຂະຫຍາຍໄປຫາ ແຂວງເຫງະອານ ແລະ ຮ່າຕິງ ສສ ຫວຽດນາມ, ພິຈາລະນາຄວາມເປັນໄປໄດ້ໃນການຂໍອະນຸຍາດເປີດບໍລິການ ເຮືອບັກ ທີ່ດ່ານປະເພດນີ ບ້ານປາກກະດິງ, ເມືອງປາກກະດິງ-ຈຸດຜ່ອນປົນ ບ້ານບຸງຄ້າເໜືອ, ອຳເພີ ບຸງຄ້າ, ຝ່າຍຈັງຫວັດບຶງການ ເຫັນດີຈັດຊຸດອົບຮົມດ້ານສີມືແຮງງານ ໃຫ້ແກ່ບຸກຄະລາກອນແຂວງບໍລິຄຳໄຊ ຈຳນວນ 66 ທ່ານ, ໃນ 3 ສາຂາວິຊາຊີບ ໃນປີ 2016, ມະຫາວິທະຍາໄລ ລາດສະພັດ ອຸດອນທານີ ສາຂາຈັງຫວັດບຶງການ ມອບທຶນການສຶກສາ ລະດັບປະລີນຍາຕີ ໃຫ້ນັກຮຽນຈົບຊັ້ນ ມໍປາຍ ຂອງແຂວງບໍລິຄຳໄຊ ຈຳນວນ 1 ທຶນ, ຈະສືບຕໍ່ສະໜັບສະໜຸນການວາງສະແດງສິນຄ້າ ODOP ແລະ ສິນຄ້າ OTOPແລະ ຊຸກຍູ້ໃຫ້ບັນດາຜູ້ປະກອບການພົບປະແລກປ່ຽນບົດຮຽນຮ່ວມກັນ, ຝ່າຍຈັງຫວັດບຶງການສະເໜີຂໍຊື້ຫີນຜາ ຢູ່ແຂວງບໍລິຄຳໄຊ ແຕ່ຂັ້ນຕອນປະຕິບັດແມ່ນຈະໄດ້ນຳສະເໜີໃຫ້ຂັ້ນເທີງພິຈາລະນາ.
ຂໍ້ມູນຈາກ: ເວັບໄຊແຂວງບໍລິຄຳໄຊ

No comments:

Post a Comment