June 7, 2016

8 ທິດຊີ້ນຳຂອງການນຳແຂວງ ຕໍ່ກັບການພັດທະນາວຽກງານອຸດສາຫະກຳ ແລະ ການຄ້າ

ເນື່ອງໃນໂອກາດ ທີ່ມາຮ່ວມພິທີມອບຮັບໜ້າທີ່ຂອງຫົວໜ້າພະແນກອຸດສາຫະກຳ ແລະ ການຄ້າ ຜູ້ເກົ່າ ແລະ ຜູ້ໃໝ່, ທາງການນຳຂອງແຂວງກໍ່ໄດ້ເນັ້ນໜັກ ແລະ ໃຫ້ທິດຊີ້ນຳໃນ 8 ຂໍ້ດັ່ງລຸ່ມນີ້:


1.   ໃຫ້​ບັນດາ​ສະຫາຍ​ຕ້ອງ​ມີ​ຄວາມ​ເປ​ັນ​ເອກະ​ພາບ​ນຳ​ຂັ້ນ​ເທິງ ບົນ​ພື້ນຖານ​ນັ້ນ​ໃຫ້​ບັນດາ​ສະຫາຍ​ເຮັດ​ວຽກງານ​ສຶກສາ​ອົບຮົມ, ນຳພາ​ແນວ​ຄິດ​ຂອງ​ພະນັກງານ, ສະມາຊິກ​ພັກ ​ເພື່ອ​ໃຫ້​ທຸກ​ຄົນ​ເຂົ້າ​ໃຈ ​ແລະ ຮັບ​ຮູ້​ທົ່ວ​ເຖິງ​ຕໍ່​ການ​ສັບ​ປ່ຽນດັ່ງກ່າວ, ບໍ່​ໃຫ້​ມີ​ການ​ສວຍ​ໂອກ​າດທັບ​ຖົມ​ໂຈມ​ຕີ​ກັນ​ໃນ​ທາງ​ບໍ​ສອດຄ່ອງ, ອັນ​​ໃດ​ເປັນ​ຜົນສຳ​ເລັດ​ທີ່​ພວກ​ສະຫາຍ​ພ້ອມ​ກັນ​ນຳພາ​ປະຕິບັດ​ຜ່ານ​ມາ ກໍ່​ໃຫ້​ພ້ອມ​ກັນ​ປົກ​ປັກ​ຮັກສາ ​ແລະ ​ເສີມ​ຂະຫຍາຍ​ໃຫ້​ດີ​ຂື້ນ​ເລື່ອຍໆ, ອັນ​ໃດ​ຍັງ​ອ່ອນ ​ແລະ ຄົງ​ຄ້າງ​ຫາງ​ສຽງ​​ໃຫ້​ບັນດາ​ສະຫາຍ ຈົ່ງ​ພ້ອ​ມກັນ​ດັດ​ແປງ​ແກ້​ໄຂ ​ເພື່ອ​ພ້ອມ​ກັນ​ສື​ບຕໍ່​ນຳພາ​ພະນັກງານ, ສະມາຊິກ​ພັກ ຕັ້ງໜ້າ​ແຂ່ງຂັນ​ການ​ສ້າງ​ຂະ​ບວນການ​ດ້ານ​ຕ່າງໆ ​​ໂດຍ​ສະ​ເພາະວຽກງານ​ດ້ານ​ວິຊາ​ສະ​ເພາະ​ໃຫ້​ມີ​ການ​ຫັນປ່ຽນຢ່າງ​ແຂງ​ແຮງ.
2.   ​ໃຫ້​ບັນດາ​ສະຫາຍ​ສື​ບຕໍ່​ປົກ​ປັກ​ຮັກສາ​ຄວາມ​ສາມັກ​ຄີ​ພາຍ​​ໃນ​​ໃຫ້​ດີ​ຄື​ດັ່ງ​ປະທານ​ ໄກສອນ​ ພົມວິຫານ ​ໄດ້​ສັ່ງສອນ​ໄວ້​ວ່າ: ​ໃຫ້​ຮັກສາ​ຄວາມ​ສາມັກຄີ ​ເວົ້າ​ລວມ, ​ເວົ້າ​ສະ​ເພາະ ຄວາມ​ສາມັກຄີ​ພາຍ​ໃນ​ຄື​ກັບ​ແກ້ວຕາ​ຂອງ​ຕົວ​ເອງ, ກ່ອນ​ອື່ນໝົດພາຍ​ໃນ​ຄະນະ​ຕ້ອງ​ສາມັກຄີ​ກັນ​ແໜ້ນ​ແຟ້ນ, ມີ​ຄວາມ​ເປັນ​ເອກະ​ພາບ​ສູງ, ສືບ​ຕໍ່ ​ເປັນຫຼັກ​ແຫຼ່ງ, ​ເປັນ​ຄັນ​ທຸງ ​ແລະ ​ເປັນ​ແກນ​ນຳ ​ໃນ​ການ​ເຕົ້າ​ໂຮມ​ຄວາມ​ສາມັກ​ຄີ​ໃນ​ຖັນ​ແຖວ​ພະນັກງານ, ສະມາຊິກ​ພັກ.
ສະ​ນັ້ນ​, ບັນດາ​ສະຫາຍ​ຕ້ອງໃຫ້ການຮ່ວມມືແລະ ຊ່ວຍເຫຼືອເຊີ່ງກັນແລະ ກັນໃຫ້ດີ, ສິ່ງສຳຄັນຕ້ອງເອົາ​​ໃຈໃສ່ມີລະບອບປະຊຸມ ປຶກສາຫາລືເປັນເອກະພາບພາຍໃນຄະນະ ນັບມື້ໄດ້ຮັບການປັບປຸງໃຫ້ດີຂື້ນໄປເລື່ອຍໆ.
3.   ໃຫ້ພວກສະຫາຍເອົາໃຈໃສ່ໃນການເຮັດວຽກ ຕ້ອງປະຕິບັດຕາມຫຼັກການລວມສູນປະຊາທິປະໄຕ, ນຳພາເປັນໝູ່ຄະນະ, ​ແບ່ງຄວາມຮັບຜິດຊອບໃຫ້ລະອຽດຈະແຈ້ງ, ບຸກຄົນຕ້ອງປະຕິບັດຕາມການຈັດຕັ້ງ, ສ່ວນໜ້ອຍ ປະ ຕິບັດຕາມສ່ວນຫຼາຍ, ຂັ້ນລຸ່ມປະຕິບັດຕາມຂັ້ນເທິງແລະ ທົ່ວພັກຕ້ອງປະຕິບັດຕາມມະຕິ.
4.   ໃຫ້ພວກສະຫາຍເອົາໃຈໃສ່ ວຽກງານການຄຸ້ມຄອງແລະ ດັດສົມໂຮງງານໃຫ້ເຂົ້າສູ່ລະບົບຕາມນິຕິກຳຂອງກະຊວງສາຍຕັ້ງວາງອອກ.
5. ເອົາໃຈໃສ່ຄຸ້ມຄອງລາຄາສິນຄ້າ, ຕິດຕາມການເໜັງຕີງລາຄາສິນຄ້າທີ່ມີຜົນກະທົບໄວຕໍ່ຊິວິດການເປັນຢູ່ຂອງປະຊາຊົນບັນດາເຜົ່າ ຕາມດຳລັດ 474/ນຍ ວ່າດ້ວຍການຄຸ້ມຄອງລາຄາສິນຄ້າແລະ ການບໍລິການ​ ​ໂດຍຖືເອົາການຄິດໄລ່ໂຄງປະກອບລາຄາເປັນພື້ນຖານໃນການຄຸ້ມຄອງລາຄາສິນຄ້າ ຕາມສິດພາລະບົດບາດໜ້າທີ່.
6.    ​ເປັນເຈົ້າການໃນການຊຸກຍູ້ສົ່ງເສີມການຜະລິດເປັນສິນຄ້າ, ຈັດຕັ້ງເປັນກຸ່ມຊື້, ກຸ່ມຂາຍແລະ ສະໜອງຂໍ້ມູນດ້ານການຕະຫຼາດທີ່ຈຳເປັນເຊັ່ນ: ກຳລັງການຊື້-ຂາຍ ຂອງພາກສ່ວນທຸລະກິດພາຍໃນເພື່ອກ້າວໄປເຖິງການແລກປ່ຽນຊື້-ຂາຍສິນຄ້າໃຫ້ເປັນຂະບວນຟົດຟື້ນແລະ ຂະຫຍາຍກາຍເປັນສິນຄ້າໜື່ງເມືອງໜື່ງຜະລິດຕະພັນ ສາມາດສົ່ງອອກຂາຍພາຍໃນແລະ ຕ່າງປະເທດ.
7.   ຄືດັ່ງພວກເຮົາໄດ້ຮັບຮູ້ແລ້ວວ່າ ພາຍຫຼັງທີ່ເຂົ້າເປັນປະຊາຄົມເສດຖະກິດອາຊ່ຽນ (AEC) ຈະ​ມີ​ທັງ​ກາ​ລະ​ໂອກາດ ​ແລ​ະ ສີ່​ງທ້າ​ທາຍຫຼາຍຢ່າງ ຊື່​ງພວກ​ເຮົາ​ຈະ​ຕ້ອງ​ໄດ້​ສູ້​ຊົນ ຍາດ​ແຍ່ງ​ເອົາ​ຜົນ​ປະ​ໂຍດ ມາ​ໃຫ້​ປະ​ເທດ​ຊາດ, ມາ​ໃຫ້​ປະຊາຊົນ​ພາຍ​ໃນ​ຊາດ ​ເວົ້າ​ລວມ ​ເວົ້າ​ສະ​ເພາະ​ກໍ່​ແມ່ນ​ປະຊາຊົນ​ແຂວງ​ບໍລິ​ຄຳ​ໄຊ ດ້ວຍ​ການ​ຊຸກຍູ້​ພາກສ່ວນ​ທຸລະ​ກິດ ​ແລະ ​ເຜີຍ​ແຜ່​ບັນດາ​ສິດທິ​ພິ​ເສດ​ທາງ​ດ້ານ​ການ​ຄ້າ, ​ເຜີຍ​ແຜ່​ໃຫ້​ທຸລະ​ກິດ​ໄດ້​ຮັບ​ຮູ້ ​ແລ​ະ ​ເຂົ້າ​ໃຈ​ເຖິງ​ຜົນ​ປະ​ໂຫຍ​ດທີ່​ຈະ​ໄດ້​ຮັບ​ຈາກ​ການ​ເຊື່ອມ​ໂຍງ​ດັ່ງກ່າວ.

8.   ​ເອົາ​ໃຈ​ໃສ່, ອຳນວຍ​ຄວາມ​ສະດວກ ​ໃນ​ການ​ຂື້ນ​ທະບຽນວິ​ສາ​ຫະກິດ​ໃຫ້​ຖືກຕ້ອງ​ຕາມ​ລະບຽບການ​ເພື່ອ​ສ້າງ​ເປັນ​ພື້ນຖານ​ການ​ເກັບ​ເປັນ​ລາຍ​ຮັບ ​ໃຫ້​ນັບ​ມື້​ນັບຫຼາຍຂື້ນ. 

ສັງລວມ ແລະ ຮຽບຮຽງໂດຍ: ຂະແໜງແຜນການ-ສະຖິຕິ

No comments:

Post a Comment