May 23, 2016

ພິທີມອບ-ຮັບໜ້າທີ່ ຫົວໜ້າພະແນກອຸດສາຫະກຳ ແລະ ການຄ້າແຂວງບໍລິຄຳໄຊ ຜູ້ເກົ່າ-ຜູ້ໃໝ່

ໃນວັນທີ່ 23 ພຶດສະພາ 2016 ນີ້ທີ່ຫ້ອງປະຊຸມພະແນກຖະແຫຼງຂ່າວ-ວັດທະນະທຳ ແລະ ທ່ອງທ່ຽວ ໄດ້ມີພິທີມອບ-ຮັບໜ້າທີ່ ລະຫວ່າງ ທ່ານ ສະຫວນ ສະຫວ່າງ ຫົວໜ້າ ພະແນກອຸດສາຫະກຳ ແລະ ການຄ້າ ຜູ້ເກົ່າ ແລະ ທ່ານ ແສງອາລຸນ ແສງອາພອນ ຫົວໜ້າພະແນກອຸດສາຫະກຳ ແລະ ການຄ້າ ຜູ້ໃໝ່.
ໂດຍໃຫ້ກຽດເຂົ້າຮ່ວມຂອງທ່ານ ແດນປີ ມູນທະດີ ຮອງເລຂາພັກແຂວງ, ຫົວໜ້າຄະນະຈັດຕັ້ງແຂວງບໍລິຄຳໄຊ, ມີບັນດາຫົວໜ້າຮອງພະແນກ, ໜົວໜ້ຂະແໜງບັນດາແຂກຖືກເຊີນ, ຫົວໜ້າຫ້ອງການອຸດສາຫະກຳ ແລະ ການຄ້າເມືອງ ແລະ ບັນດາພະນັກງານລັດຖະກອນເຂົ້າຮ່ວມ.

ໃນໂອກາດນີ້, ທ່ານ ແດນປີ ມູນທະດີ ຍັງໄດ້ໂອ້ລົມ ແລະ ໃຫ້ທິດຊີ້ນຳຕໍ່ຄະນະພັກ, ຄະນະພະແນກ ແລະ ບັນດາພະນັກງານ ລັດຖະກອນຂະແໜງອຸດສາຫະກຳ ແລະ ການຄ້າ ວ່າ: ໃຫ້ເພື່ອສືບຕໍ່ເສີມຂະຫຍາຍການຊີ້ນໍາ-ນໍາພາວຽກງານພາຍໃນພະແນກໃຫ້ມີຜົນສຳເລັດອັນໃໝ່ໃຫຍ່ຫຼວງກວ່າເກົ່າ, ຄະນະພະແນກ ຕ້ອງໄດ້ເອົາໃຈໃສ່ປັບປຸງກົງຈັກການຈັດຕັ້ງ, ແບບແຜນການພັດທະນາໃຫ້ສົມເຫດສົມຜົນ, ມີປະສິດທິພາບ ແລະ ປະສິດທິຜົນສູງໃຫ້ສອດຄ່ອງ ກັບໜ້າທີ່ການເມືອງໄລຍະໃໝ່, ຢຶດຖືຫຼັກການປະຊາທິປະໄຕ ເຮັດວຽກເປັນໝູ່ຄະນະ, ບຸກຄົນຮັບຜິດຊອບ, ໃກ້ສິດແທດເຖິງຮາກຖານຕົວຈິງ ອັນສໍາຄັນແມ່ນຕ້ອງມີຄວາມສາມັກຄີ ເປັນຈິດໜຶ່ງໃຈ ດຽວກັນ ໃນການປະຕິບັດໜ້າທີ່ວຽກງານບົນພື້ນຖານຄວາມຮັກແພງກັນຢ່າງແທ້ຈິງ ເພື່ອຕອບສະໜອງກັບຄວາມຮຽກຮ້ອງຕ້ອງການ ແລະ ຄວາມມຸ່ງມາດປາດຖະໜາຂອງປະຊາຊົນ ເພື່ອແນ່ໃສ່ "ຫັນອຸດສາຫະກຳເປັນທັນສະໄໝ ການຄ້າກ້າວໄກ ຕາມກົນໄກເສດຖະກິດຕະຫລາດ ເພີ່ມຄວາມສາມາດໃນການແຂ່ງຂັນ ຕາມທິດເຊື່ອມໂຍງ"  ແລະປະກອບສ່ວນ "ສ້າງແຂວງບໍລິຄຳໄຊ ເປັນປະຕູເສດຖະກິດ ແຫຼ່ງພະລັງງານ ບໍລິການທາງຜ່ານ ແລະ ຮັກສາສີ່ງແວດລ້ອມແບບຢືນຍົງ"

ຮຽບຮຽງໂດຍ: ຂະແໜງແຜນການ ແລະ ສະຖິຕິ

No comments:

Post a Comment