April 19, 2016

ນາງສາວ ດວງໃຈ ຈາກພະແນກອຸດສາຫະກຳ ແລະ ການຄ້າ ໄດ້ເປັນນາງສາວກຸຫລາບປາກຊັນ ພສ 2559

 ເພື່ອເປັນການສ້າງຂະບວນການຕ້ອນຮັບບຸນປີໃໝ່ລາວ ພສ 2559 ແລະ ຊົມເຊີຍຜົນສຳເລັດຂອງການເລືອກຕັ້ງສະມາຊິກສະພາແຫ່ງຊາດຊຸດທີ VIII ແລະ ສະມາຊິກສະພາປະຊາຊົນຂັ້ນແຂວງ.
 ການນຳຂອງແຂວງບໍລິຄຳໄຊ ແລະ ຂະແໜງການກ່ຽວຂ້ອງຈິ່ງໄດ້ຈັດງານກິດຈະກຳການປະກວດນາງສາວກຸຫລາບປາກຊັນ ແລະ ຊາຍງາມແຫ່ງແດນກຸຫລາບປາກຊັນ, ແຂ່ງຂັນສິນລະປະການຟ້ອນ, ເປົ່າແຄນ ແລະ ຂັບລຳທ້ອງຖີ່ນຂື໊ນ ທີ່ເດີ່ນກິລາຄົບວົງຈອນ ໃນລະຫວ່າງວັນທີ 6-9 ເມສາ 2016 ໂດຍເປັນກຽດເຂົ້າຮ່ວມຂອງທ່ານ ດຣ ກອງແກ້ວ ໄຊສົງຄາມ ກຳມະການສູນກາງພັກ ເລຂາພັກແຂວງເຈົ້າແຂວງ-ແຂວງບໍລິຄຳໄຊ ພ້ອມດ້ວຍການນຳຂອງແຂວງ ແລະ ປະຊາຊົນບັນດາເຜົ່າພາຍໃນແຂວງເຂົ້າຮ່ວມຮັບຊົມ. 
ພະແນກອຸດສາຫະກຳ ແລະ ການຄ້າ ພວກເຮົາ ກໍ່ໄດ້ເປັນສ່ວນໜື່ງຢ່າງຕັ້ງໜ້າໃນການປະກອບສ່ວນ ສົ່ງນາງສາວ ດວງໃຈ ອິນທະວົງ ເຂົ້າປະກວດໃນລາຍການນາງສັງຂານກຸຫລາບປາກຊັນ.
ຜ່ານ​ການ​ແຂ່ງຂັນ ແລະ ຄັດເລືອກ​ເປັນ​ເວລາ 4 ຄືນ ນ້ອງນາງສາວ ດວງ​ໃຈ ອິນ​ທະ​ວົງ ຈາກພາ​ກສ່ວນ​ພະ​ແນ​ກອຸດສາຫະກຳ​ການ​ຄ້າ​ແຂວງ ໄດ້ຮັບຄັດເລືອກໃຫ້ເປັນນາງ​ສັງຂານ ກຸຫຼາບປາກ​ຊັນ ປະຈຳ ພສ 2559. ພ້ອມທັງກະກຽມປະກອບສ່ວນໃນງານພິທີແຫ່ນາງສັງຂານ ຕາມປະເພນີທີ່ໄດ້ສຶບທອດກັນມາ





No comments:

Post a Comment