March 11, 2016

ກອງປະຊຸມແລກປ່ຽນບົດຮຽນ ​ແລະ ການ​ແຂ່ງຂັນ​ກິລາ​ມິດຕະພາບທີ່ແຂວງຄຳມ່ວນ


ໃນລະຫວ່າງ​ວັນ​ທີ 4-6 ມີນາ 2016 ຜ່ານມານີ້ ພະແນກອຸດສາຫະກຳ ແລະ ການຄ້າແຂວງບໍລິຄຳໄຊ ໄດ້ເຂົ້າຮ່ວມກອງປະຊຸມຖອດຖອນ, ​ແລກປ່ຽນບົດຮຽນ ​ແລະ ການ​ແຂ່ງຂັນ​ກິລາ​ມິດຕະພາບ​ຂອງ​ຂະ​ແໜງ​ອຸດສາຫະກຳ ​ແລະ ການ​ຄ້າ 3 ​ແຂວງ​ພາກ​ກາງ ​ແລະ 4 ​ແຂວງ​ພາກ​​ໃຕ້ ທີ່ແຂວງຄຳມ່ວນ. 



ກອງປະຊຸມໄດ້ຮັບຟັງການລາຍງານສະພາບການຈັດຕັ້ງປະຕິບັດວຽກງານຂະແໜງອຸດສາຫະກຳ ແລະ ການຄ້າ ໃນໄລຍະຜ່ານມາ, ທິດທາງແຜນການ ພ້ອມທັງແລກປ່ຽນບົດຮຽນລະຫວ່າງບັນດາຂະແໜງ ແລະ ການໃຫ້ທິດຊີ້ນຳຈາກທ່ານຮອງລັດຖະມົນຕີກະຊວງອຸດສາຫະກຳ ແລະ ການຄ້າ. ຈາກນັ້ນ, ໄດ້ເຂົ້າຮ່ວມພິທີເປີດການແຂ່ງຂັນກິລາມິດຕະພາບລະຫວ່າງຂະແໜງອຸດສາຫະກຳ ແລະ ການຄ້າ 3 ແຂວງພາກກາງ ແລະ 4 ແຂວງພາກໄຕ້. ຜ່ານການແຂ່ງຂັນ ພະແນກອຸດສາຫະກຳ ແລະ ການຄ້າແຂວງບໍລິຄຳໄຊ ສາມາດຍາດລາງວັນມາໄດ້ຄື: ລາງວັນທີ 3 ກິລາບານເຕະ, ລາງວັນທີ 3 ກິລາເປຕັ້ງ. ​

No comments:

Post a Comment