March 16, 2016

ຫວນຄືນປະຫວັດສາດ ການສ້າງຕັ້ງແຂວງບໍລິຄຳໄຊ ຄົບຮອບ 32 ປີ

ເພື່ອຫວນຄືນ ແລະ ລະນຶກເຖິ່ງວັນສ້າງຕັ້ງແຂວງບໍລິຄຳໄຊ ຄົບຮອບ 32 ປີ ໄດ້ຈັດຂື້ນໃນວັນທີ່ 4 ມີນາ 2016 ນີ້ຢູ່ທີ່ສະໂມສອນໃຫຍ່ຂອງແຂວງ ໂດຍໃຫ້ກຽດປາຖະກະຖາ ຂອງທ່ານ ດຣ ກອງແກ້ວ ໄຊສົງຄາມ ກຳມະການສູນກາງພັກ ເລຂາພັກແຂວງ ເຈົ້າແຂວງ-ແຂວງບໍລິຄຳໄຊ,​ ມີການນຳຂອງແຂວງ ພ້ອມດ້ວຍພະນັກງານທົວພະແນກການຂອງແຂວງເຂົ້າຮ່ວມ


ແຂວງບໍລິຄຳໄຊ ໄດ້ສ້າງຕັ້ງຂື້ນ ໃນວັນທີ 6 ມີນາ 1984 ຊຶ່ງເປັນວັນທີ່ມີຄວາມໝາຍ ຄວາມສຳຄັນ ທາງດ້ານປະຫວັດສາດ ຂອງຊາດລາວ ກໍ່ຄືແຂວງບໍລິຄຳໄຊ ທີ່ເຮັດໃຫ້ພະນັກງານ, ສະມາຊິກພັກ, ກຳລັງປະກອບອາວຸດ, ນັກຮຽນ, ນັກສຶກສາ, ປັນຍາຊົນ, ຊັ້ນຄົນຕ່າງໆ ຕະຫຼອດຮອດປະຊາຊົນບັນດາເຜົ່າ ໄດ້ຮັບຮູ້ ແລະ ເຂົ້າໃຈ ອັນສະຫງ່າລາສີ ທີ່ບັນພະບູລຸດໄດ້ສ້າງໄວ້ ເຊີ່ງເປັນຫວນຄືນເຖີງການເຕີບໃຫຍ່ຂະຫຍາຍຕົວ ແລະ ເຂັ້ມແຂວງ ຂອງແຂວງບໍລິຄຳໄຊ ຕະຫຼອດໄລຍະ 32 ປີ ທີ່ຜ່ານມາ ໄດ້ມີຫຼາຍເຫດການທີ່ພົ້ນເດັ່ນເຊັ່ນ: ເຮັດໃຫ້ແຂວງບໍລິຄຳໄຊ ໄດ້ມີຄວາມສະຫງົບໜັກແໜ້ນ, ພື້ນຖານໂຄງລ່າງໄດ້ຮັບການພັດທະນາ, ຊີວິດການເປັນຢູ່ຂອງປະຊາຊົນ ໄດ້ຮັບການພັດທະນາ ແລະ ແກ້ໄຂຄວາມທຸກຍາກຂອງປະຊາຊົນບັນດາເຜົ່າ ນັ້ນຍັງມີພຽງເປີເຊັນໜ້ອຍທີ່ບໍສາມາດລົບລ້າງຄວາມທຸກຍາກໄດ້ ແລະ  ສາມາດປະກາດເປັນເມືອງພົ້ນທຸກ ໄດ້ແລ້ວ 6 ເມືອງ ຍັງພຽງໜື່ງເມືອງທີ່ລະດັບການຂະຫຍາຍຕົວບໍ່ທັນເທົ່າທຽມກັບເມືອງອື່ນໆ ສີ່ງທີ່ພົ້ນເດັ່ນແມ່ນແຂວງບໍລິຄຳໄຊ ຮັກສາລະດັບການຂະຫຍາຍຕົວດ້ານເສດຖະກິດ ໃນລະດັບ 8% ຂື້ນໄປ ໃນແຕ່ລະປີ
ທ່ານ ເຈົ້າແຂວງໄດ້ນັ້ນອີກວ່າ: ເຖີງວ່າແຂວງບໍລິຄຳໄຊ ຈະຍາດໄດ້ໄຊຊະນະຫຼາຍດ້ານ ແຕ່ພວກເຮົາ ຕ້ອງໄດ້ເພີ່ມທະວີ ໃນການຜັນຂະຫຍາຍມະຕິກອງປະຊຸມໃຫຍ່ ຄັ້ງທີ່ X ຂອງພັກ ແລະ ມະຕິກອງປະຊຸມໃຫຍ່ຄັ້ງທີ VI ຂອງອົງຄະນະພັກແຂວງບໍລິຄຳໄຊຢ່າງຕັ້ງໜ້າ ໂດຍອີງໃສ່ສະພາບຈຸດພິເສດ, ທ່າແຮງ, ຄວາມສາມາດ, ບົດຮຽນທີ່ພວກເຮົາປະຕິບັດຜ່ານມາ ໂດຍສຸມໃສ່ວຽກງານສຶກສາອົບຮົມການເມືອງ-ແນວຄິດ ນຳພາແນວຄິດພະນັກງານ, ສະມາຊິກພັກ ພໍ່ແມ່ປະຊາຊົນບັນດາເຜົ່າໃຫ້ເຊີດຊູນ້ຳໃຈຮັກຊາດ ເອກະລາດ, ເປັນເຈົ້າຕົນເອງ ສ້າງຄວາມເຂັ້ມແຂງດ້ວຍຕົນເອງ ເພື່ອສ້າງປະເທດຊາດໃຫ້ມັ່ງຄັ່ງ-ເຂັ້ມແຂງ, ປະຊາຊົນມີຄວາມຜາສຸກ, ສັງຄົມມີຄວາມສຸກຄວາມສາມັກຄີຮັກແພງປອງດອງ ຍຸຕິທຳ ສີວິໄລ, ສືບຕໍ່ຫັນເອົາແນວທາງປ້ອງກັນຊາດປ້ອງກັນຄວາມສະຫງົບ ລົງສູ່ຮາກຖານໃຫ້ກາຍເປັນຂອງທົ່ວປວງຊົນຮອບດ້ານ, ຕັ້ງໜ້າປຸກລະດົມຂະບວນການເຄື່ອນໄຫວຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ່ VI ຂອງອົງຄະນະພັກແຂວງ ແລະ ແຜນພັດທະນາຊົນເສດຖະກິດ-ສັງຄົມໃຫ້ປະກົດຜົນເປັນຈິງ.

ຂໍ້ມູນຈາກ: ເວັບໄຊແຂວງບໍລິຄຳໄຊ
http://bolikhamxay.gov.la/index.php/lo/2014-07-16-03-52-11/ຂ່າວປະຈຳວັນ/599-ຫວນຄືນປະຫວັດສາດ-ການສ້າງຕັ້ງແຂວງບໍລິຄຳໄຊ-ຄົບຮອບ-32-ປີ.html

No comments:

Post a Comment