January 24, 2016

ວາງສະແດງສິນຄ້າ ໃນງານບຸນນະມັດສະການ ພຣະທາດພຣະບາດ - ໂພນສັນ

ພິທີເປີດງານຕະຫຼາດນັດຂາຍສິນຄ້າ ຕິດພັນກັບວຽກງານບູນປະເພນີ ນະມັດສະການວັດພຣະທາດພຣະບາດ - ໂພນສັນປະຈຳປີ 2016 ໄດ້ຈັດຂື້ນໃນວັນທີ 20 ມັງກອນ 2016 ຢູ່ທີ່ໜ້າວັດພະບາດໂພນສັນ ໂດຍເປັນກຽດເຂົ້າຮ່ວມໃນຄັ້ງນີ້ມີ ທ່ານ ຄຳປຸ່ນ ສີຫາລາດ ຮອງເລຂາພັກເມືອງ ຮອງເຈົ້າເມືອງທ່າພະບາດ, ທ່ານ ສົມໃຈ ຄູນພະໄຊ ຮອງຫົວໜ້າອ້ງວ່າການປົກຄອງແຂວງ, ພະແນກອຸດສາຫະກຳ-ການຄ້າ, ເມືອງ ທ່າພຣະບາດ, ນັກທຸລູກິດ, ພໍ່ຄ້າຊາວຂາຍ ແລະ ພໍ່ແມ່ປະຊາຊົນບັນດາເຜົ່າເຂົ້າຮ່ວມ


ໃນພິທີທ່ານ ໄກສອນ ຈັນສີນາ ຫົວໜ້າຫ້ອງການອຸດສະຫະກຳ ແລະ ການຄ້າເມືອງທ່າພະບາດ ກໍ່ໄດ້ລາຍງານວ່າ: ງານຕະຫຼາດນັດຂາຍສິນຄ້າຕິດພັນກັບບຸນປະເພນີນະມັດສະການ ວັດພຣະທາດພຣະບາດ-ໂພນສັນແມ່ນໄດ້ຈັດຂື້ນຂອງທຸກໆປີຢ່າງຕໍ່ເນື່ອງ ແລະ ສຳລັບປີນີ້ກໍ່ເປັນອີກປີໜື່ງທີ່ພວກເຮົາໄດ້ພ້ອມກັນຈັດຕັ້ງຂື້ນ ເຫັນວ່າມີການເຕີບໃຫຍ່ຂະຫຍາຍຕົວຂື້ນຕາມລຳດັບ ມີຈຳນວນຮ້ານຄ້າທັງໝົດ 188 ຮ້ານ, ເຊິ່ງໄດ້ແບ່ງອອກເປັນ 4 ໂຊນຄື: ໂຊນຂາຍບສິນຄ້າຫັດຖະກຳຂອງບັນດາກຸ່ມການຜະລິດ, ຄອບຄົວຕົວແບບ ແລະ ພໍ່ແມ່ປະຊາຊົນຢູ່ແຕ່ລະບ້ານພາຍໃນເມືອງ, ຕ່າງເມືອງ, ຕ່າງປະເທດ ທີ່ຖືກເຊີນຈຳນວນ 60 ຮ້ານ, ມາຈາກເມືອງປາກງື່ມ 4 ຮ້ານ, ມາຈາກສະມາຄົມພັດທະນາຊຸມຊົນ 4 ຮ້ານ, ແຂວງວຽງຈັນ 1 ຮ້ານ, ແຂວງສະຫວັນນາເຂດ 2 ຮ້ານ, ຈັງຫວັດບຶງການ, ເມືອງລັດຕະນະວາປີ ຈັງຫວັດໜອງຄາຍ ປະເທດໄທ 6 ຮ້ານ, ໂຊນອາຫານ ແລະ ເຄື່ອງດື່ມ 15 ຮ້ານ, ໂຊນຮ້ານຄ້າຕະຫຼາດນັດທົ່ວໄປ 63 ຮ້ານ, ໂຊນຂາຍໝາກໄມ້, ເຂົ້າຫຼາມ-ປິ້ງໄກ່ ແລະ ຮ້ານຂາຍຍ່ອຍທົ່ວໄປ 50 ຮ້ານ ຜ່ານການກະກຽມ ການຈັດຕັ້ງເຫັນວ່າມີມວນຊົນທັງພາຍໃນເມືອງ, ຕ່າງເມືອງ, ຕ່າງແຂວງ, ໄດ້ໃຫ້ຄວາມສົນໃຈນຳເອົາຜະລິດຕະພັນສີນຄ້າເຂົ້າຮ່ວມຂາຍຢ່າງຫຼວງຫຼາຍ ເຮັດໃຫ້ພາຍໃນງານມີບັນຍາກາດຟົດຟື້ນມ່ວນຊື່ນ, ເປັນລະບຽບຮຽບຮ້ອຍດີ
ຂ່າວຈາກ: ເວັບໄຊ ແຂວງບໍລິຄຳໄຊ

No comments:

Post a Comment