January 12, 2016

ອວຍພອນການນຳກະຊວງອຸດສາຫະກຳ ແລະ ການຄ້າ

  

ໃນຕອນເຊົ້າຂອງວັນທີ 25 ທັນວາ 2015, ຫົວໜ້າພະແນກອຸດສາຫະກຳ ແລະ ການຄ້າ ພ້ອມດ້ວຍຄະນະຂະແໜງຈຳນວນໜື່ງ ໄດ້ເຂົ້າອວຍພອນຄະນະນຳກະຊວງອຸດສາຫະກຳ ແລະ ການຄ້າ ເນື່ອງໃນໂອກາດປີໃໝ່ສາກົນ 2016 ທີ່ກະຊວງອຸດສາຫະກຳ ແລະ ການຄ້າ.

    ໂອກາດນີ້ ທ່ານ ສະຫວນ ສະຫວ່າງ ຫົວໜ້າພະແນກອຸດສາຫະກຳ ແລະ ການຄ້າ ແຂວງ ຕາງໜ້າ ຄະນະ ໄດ້ກ່າວອວຍພອນ ພ້ອມທັງສະແດງຄວາມຮູ້ບຸນຄຸນຕໍ່ການນຳຂອງກະຊວງ ທີ່ໄດ້ເອົາໃຈໃສ່ຊີ້ນຳໆພາ ວຽກງານອຸດສາຫະກຳ ແລະ ການຄ້າ ໃຫ້ໄດ້ຮັບການພັດທະນາເປັນກ້າວໆມາ. ຈາກນັ້ນ ທ່ານ ນາງ ເຂັມມະນີ ພົນເສນາ ລັດຖະມົນຕີວ່າການໄດ້ສະແດງຄວາມຂອບໃຈ ແລະ ກ່າວຍ້ອງຍໍຊົມເຊີຍ ຕໍ່ຜົນງານທີ່ພະແນກຍາດມາໄດ້ໃນໄລຍະຜ່ານມາ ທັງຍົກ ໃຫ້ເຫັນຄວາມສຳຄັນຂອງວຽກງານຕໍ່ກັບຊີວິດປະຈຳວັນ, ສອດຫ້ອຍເຂົ້າໃນທຸກຂົງເຂດວຽກງານ, ເປັນ ປັດໃຈສໍາຄັນທີ່ຈະຂັບເຄື່ອນການຫັນເປັນອຸດສາຫະກຳທີ່ທັນສະໄໝ ເພື່ອເຮັດໃຫ້ປະເທດຊາດຂອງພວກເຮົາຫຼຸດພົ້ນອອກຈາກຄວາມດ້ອຍ ພັດທະນາຕາມເປົ້າໝາຍທີ່ວ່າງໄວ້.



No comments:

Post a Comment