ວາງສະແດງສິນຄ້າ ໃນພິທີສະເຫຼີມສະຫຼອງວັນຊາດ ທີ 2 ທັນວາ

ພິທີເປີດງານວາງສະແດງ ແລະ ຂາຍສິນຄ້າ ເພື່ອສະເຫຼີມສະຫຼອງວັນສະຖາປານາ ສ ປ ປ ລາວ ຄົບຮອບ 40 ປີ 2 ທັນວາ 1975 - 2 ທັນວາ 2015 ເຊິ່ງໄດ້ຈັດຂື້ນໃນວັນທີ່ 1 ທັນວາ 2015 ນີ້ ໂດຍ ການເປັນປະທານຂອງ ທ່ານ ດຣ ສຸວັນນີ ໄຊຊະນະ ຮອງເຈົ້າແຂວງ-ແຂວງບໍລິຄໍາໄຊ ມີການ ນຳຂອງ ແຂວງ, ອານຸກໍາມະການ ແລະ ພາກສ່ວນທີ່ກ່ຽວ ຂ້ອງເຂົ້າຮ່ວມ.

ທ່ານ ບຸນເສັງ ປະທຳມະວົງ ຮອງເຈົ້າຮອງເຈົ້າແຂວງ ໄດ້ລາຍງານວ່າ ຜູ້ເຂົ້າຮ່ວມວາງສະແດງສິນຄ້າ ໃນພິທີຄົບງັນບຸນວັນຊາດທີ 2 ທັນວາ ຄົບ 40 ປີ ປີນີ້ ປະກອບ 72 ຮ້ານ ໃນນັ້ນມີພາກລັດເຂົ້າຮ່ວມ 26 ຮ້ານ, ຜູ້ປະກອບການ ແລະ ຄ້າ ຂາຍຍ່ອຍ ຈຳນວນ 46 ຮ້ານ ລາຍການທີ່ເອົາມາວາງສະແດງ ແລະ ຂາຍ ສ່ວນຫຼາຍແມ່ນ ເຄື່ອງ ກະສິ ກຳ, ຫັດຖະກຳ, ເຊັ່ນ: ພືດຜັກ, ເຄື່ອງຈັກສານ, ເຄື່ອງເກາະສະຫຼັກ, ອາຫານ ແລະ ເຄື່ອງໃຊ້ປະຈຳວັນ. 

ໃນການວາງສະແດງສິນຄ້າໃນຄັ້ງນີ້ເຫັນວ່າຜູ້ປະກອບການ ແລະ ມວນຊົນຊາວແຂວງບໍລິຄຳໄຊ ກໍ່ໄດ້ ມີຄວາມເບີກບານມ່ວນຊື່ນ ມີຄວາມເອກອ້າງທະນົງຕົວ ທີ່ໄດ້ເຂົ້າຮ່ວມງານບຸນສະເຫຼີມສະຫຼອງ ວັນ ຊາດທີ 2 ທັນວາ ໃນປີນີ້ ແລະ ເປັນການເອກອ້າງຜົນຜະລິດຂອງຕົນຕໍ່ສັງຄົມຮັບຮູ້ ແລະ ນຳໄປບໍລິ ໂພກ ສ້າງລາຍຮັບໃຫ້ແກ່ຄອບຄົວ ແກ້ໄຂຊີວິດການເປັນຢູ່ຂອງຕົນ ໃຫ້ລຸດພົ້ນອອກຈາກຄວາມທຸກ ຍາກເທື່ອລະກ້າວ